«Հայկական կոմպոզիտորական արվեստ» երաժշտական փառատոնի գարնանային շարքը, որը մեկնարկել է Երևանում նախօրեին, կշարունակվի մինչև հունիսի 24-ը, «Նովոստի-Արմենիա» գործակալությանը չորեքշաբթի հայտնեց Հայաստանի կոմպոզիտորների միության ղեկավարի տեղակալ Դմիտրի Առաքելյանը։
«Գարնանային շարքում ընդգրկվել է չորս համերգ, համերգացանկում են հայ ժամանակակից կոմպոզիտորների, մասնավորապես, Ռոբերտ Ամիրխանյանի, Աշոտ Զոհրաբյանի, Վարդան Աճեմյանի, Էդգար Հովհաննիսյանի, Երվանդ Երկանյանի ստեղծագործություններ»,- ասաց Առաքելյանը։
Նա ընդգծեց, որ փառատոնի աշնանային շարքի շրջանակներում ծրագրվում է մինչև վեց համերգի կազմակերպում։
Առաքելյանը նշեց, որ փառատոնն ամենամյա է և անցկացվում է հանրապետությունում 15 տարի շարունակ Հայաստանի կոմպոզիտորների միության կողմից և Մշակույթի նախարարության աջակցությամբ՝ հանրապետության նախագահի բարձր հովանու ներքո։
Նա ավելացրեց, որ նախորդ տարվա հոկտեմբերից կազմակերպչական հարցերում Կոմպոզիտորների միությանը միացել է Հայաստանի պետական երիտասարդական նվագախումբը։ -0-
