«Հայաստանի վերջին լարախաղացը» հայկական վավերագրական ֆիլմը լավագույնն է ճանաչվել պարային կինոյի 39-րդ վավերագրական փառատոնում (Dance on Camera Film Festival), որն անցկացվեց Նյու Յորքում հունվարի 25-ից փետրվարի 1-ը, տեղեկացնում է Bars Media վավերագրական կինոստուդիայի մամուլի ծառայությունը։
Ինչպես երկուշաբթի «Նովոստի-Արմենիա» գործակալությանը հայտնեցին Bars Media-ից, արդյունքները հայտնի են դարձել փետրվարի 1-ին՝ փառատոնի փակման օրը, որին մասնակցել է ֆիլմի ռեժիսորներից մեկը՝ Իննա Սահակյանը։
Իննա Սահակյանի և Արման Երիցյանի «Հայաստանի վերջին լարախաղացը» հայկական վավերագրական ֆիլմը լավագույնն է ճանաչվել 2010 թվականի «Ոսկե Ծիրան» երևանյան յոթերորդ միջազգային կինոփառատոնում։
Բացի այդ, ժապավենը Սերբիայում ազգագրական 19-րդ միջազգային փառատոնի և Երևանում «Կին» Յոթերորդ միջազգային կինոփառատոնի Գրան Պրիի է արժանացել, ինչպես նաև հատուկ մրցանակ է ստացել Վավերագրական կինոյի Գդանի միջազգային փառատոնում։
Ֆիլմի պրեմիերան անցկացվել է մի շարք երկրներում (Նիդեռլանդներ, Շվեդիա, Գերմանիա, Իտալիա, Ճապոնիա, Լեհաստան և Ֆինլանդիա), իսկ ֆիլմի ամերիկյան ցուցադրությունը տեղի է ունեցել նախորդ տարվա հոկտեմբերին PBS ալիքով։ -0-
