Հայաստանի և այլ երկրների տարածքում եղած մշակութային և պատմական հուշարձանները պահպանել է պետք. ճարտարապետ

ԵՐԵՎԱՆ, 2 դեկտեմբերի. /Նովոստի-Արմենիա/. Հայաստանի և այլ երկրների տարածքում եղած մշակութային և պատմական հուշարձանները պետք է պահպանել, չորեքշաբթի Երևան-Մոսկվա-Կիև-Քիշնև տեսակամուրջի ժամանակ ասաց ճարտարապետ Լևոն Իգիթյանը:

«Կրթված մարդիկ ոչինչ չեն կոտրում, պետք է սկսել նրանից, որ վերջին 20 տարում հետխորհրդային տարածքում կրթվածության մակարդակն այնքան էլ չի փայլում: Դա շատ հեշտ կարելի է նկատել այն էսթետիկ անհարմարությունից, որը մեր գլխին թափվեց ճարտարապետական և մշակութային հուշարձանների ոչնչացման տեսքով: Ես կողմնակից եմ, որ պահպանենք այն, ինչ ստացել ենք մեր նախնիներից»,- ասաց Իգիթյանը:

Նա նշեց, որ արվեստի ստեղծագործություններում արտացոլված պատմական փաստերը պետք է պահպանվեն, իսկ քաղաքական ուժերն ու պաշտոնյաներն իրավունք չունեն վճիռ կայացնելու այս կամ այն արվեստի գործը ոչնչացնելու վերաբերյալ։

Ինչպես նշեց ճարտարապետը, «սա աննկարագրելի ստորություն է» այն վարպետների նկատմամբ, ովքեր ազնիվ ստեղծագործել են իրենց հնարավորությունների սահմանում։

«Եթե չհաջողվեր ամեն ինչ պահպանել, ապա հնարավոր կլիներ համեմատել և տեսնել, թե ինչ հետք է թողնում հասարակությունը»,- ասաց Իգիթյանը։

Միաժամանակ նա նշեց, որ այսօր ոչնչացվում են ճարտարապետության բացառիկ հուշարձաններ, ինչի ապացույցն է Հին Ջուղայի (Ադրբեջան) խաչքարերի ոչնչացումը, հայկական տաճարներ են ոչնչացվում Թուրքիայում, որոնք ճարտարապետության բացառիկ նմուշներ են և ժամանակակից ճարտարապետների համար օրինակ են ծառայում։ -0-