ԵՐԵՎԱՆ, 4 մայիսի. /Նովոստի-Արմենիա/. Մոսկովյան հյուրախաղերի ժամանակ Մոսսովետի թատրոնի «Տանիքի տակ» բեմում մայիսի 4-8-ը իր լավագույն ներկայացումները՝ ըստ Վիլյամ Շեքսպիրի, Ալեքսանդր Պուշկինի և Ֆյոդոր Դոստոևսկու, կցուցադրի պետերբուրգյան «Տիկնիկային ձևաչափ» թատրոնը, ՌԻԱ Նովոստիին է հայտնել նախագծի համակարգող Մարիա Պոդգորնովան:
Չորս «Ոսկե դիմակ» ստացած թատրոնի հյուրախաղերի ընթացքում կներկայացվեն «Փոթորիկը», «CUPRUM հեծյալը» և «Ոճիր և պատիժ»-ը:
«Մեր թատրոնում մենք ջանում ենք հեռանալ ընդունված այն մտքից, թե տիկնիկները երեխաների համար են, և ջանում ենք ներկայացումները հետաքրքրիր դարձնել առաջին հերթին մեծահասակների համար»,- բացատրեց Պոդգորնովան:
Նա ավելացրեց, որ «Տիկնիկային ձևաչափ» թատրոնը, որը պետերբուրգյան երիտասարդ նկարիչների, ռեժիսորների, դերասանների համագործակցություն է ներկայացնում, ստեղծվել է 2002 թվականին՝ կինոռեժիսոր և պրոդյուսեր Տիմուր Բեկմամբետովի աջակցությամբ:
«Բեկմամբետովի շնրոհիվ մեր խաղացանկում ավելացավ «CUPRUM հեծյալը, սիրո մասին պետերբուրգյան լեգենդը», որը 2005թ. «Ոսկե դիմակ»-ի դափնեկիր դարձավ»,- հստակեցրեց գործակալության զրուցակիցը:
Ռեժիսոր Աննա Վիկտորովայի այս բեմադրության հիմքում ընկած է Պուշկինի հայտնի ստեղծագործությունը՝ «Պղնձե հեծյալը», սակայն Պոդգորնովայի խոսքերով, ներկայացումը մուլտիմեդիոն խառնուրդ է, Սանկտ Պետերբուրգի կառուցման ինքնատիպ պատմությունն՝ ըստ պետերբուգյան պոետների:
Հյուրախաղերի բացումը մեկնարկող մյուս բեմադրությունը՝ «Փոթորիկը», ներկայացնում է Շեքսպիրին ստվերների թատրոնի ժանրում: Հայտնի կոմպոզիտոր Ալեքսեյ Այգին երաժշտություն է գրել հատուկ «Փոթորիկը» ներկայացման համար»,- ասաց գործակալության զրուցակիցը:
«Ոճիր և պատիժ» ներկայացումը շարունակում է տիկնիկային ժանրում պետերբուրգյան առասպելների բեմադրությունների շարքը: 2007 թվականին առաջին անգամ Պետերբուրգում ներկայացված «Ոճիր և պատիժ» բեմադրության մեջ խաղում են խամաճիկները:
Մոսկովյան հանդիսատեսն առաջին անգամ կտեսնի նաև «Տիկնիկային ձևաչափ» թատրոնի նոր ներկայացման դրվագները, որում օգտագործվելու են Տիմուր Բեկմամբետովի և Տիմա Բերտոնի լայնածավալ նախագծի «9» անիմացիոն ֆիլմի (պրեմիերան տեղի կունենա առաջիկա ամիսների ընթացքում) տիկնիկ-դերակատարները:-0-
