ԵՐԵՎԱՆ, 1 ապրիլի./Նովոստի-Արմենիա/. Հայաստանում այլևս գրեթե պահանջարկ չկա երիգիծաբանների և նրանց ստեղծագործական գործունեության, կարծում է Հայաստանի երգիծաբանների միության նախագահ Վլադիմիր Հայրապետյանը։ Շոու-բիզնեսի ներկայացուցիչները լրիվ հակասական կարծիք են հայտնում։
«Ակնհայտ է, որ երկրում երգիծաբանանների պահանջարկ չկա։ Կարելի է բազմաթիվ օրինակներ գտնել սոցիալ-հասարակական կյանքում, դա նաև ակնհայտ է բազում հեռուստաշոուներից, որոնք արտացոլում են հասարակությունում տիրող իրերի դրությունը»,- երեքշաբթի Երևանում լրագրողներից ասաց Հայրապետյանը։
Իր հերթին, «32 ատամ» ակումբ» զվարճալի-հումորիստական հեռուստանախագծի պրոդյուսեր Կարեն Բաբախանյանը նշեց, որ երիտասարդ սերունդը, որը զբաղվում է հումորիստական հեռուստածրագրերի մշակմամբ, հաճախ իր պատրաստած նյութերը մատուցելու խնդրի հետ է բախվում։
«Հեռուստատեսությունում մենք ոչ միայն արհեստավարժների պակաս ունենք։ Մենք նաև լավ սցենարների պակաս ենք զգում, որոնք կարող էին մեզ տրամադրել երգիծաբանները»,- ասաց նա։
Բաբախանյանը կարծում է, որ հենց դա է այն հիմնական պատճառը, որ այսօր հումորիստական և երգիծական հաղորդումները Հայաստանում գտնվում են միջին մակարդակի վրա։
Մեկ այլ տեսանկյունից է այս հարցին մոտենում Հայաստանի երգիծանկարիչների միության նախագահ Սուքիաս Թորոսյանը, նշելով, որ հայրենական երգիծաբանության ոլորտում հաջողությունները, ցավոք, հանդես են գալիս Հայաստանի սահմաններից դուրս՝ հումորի և երգիծանքի տարբեր միջազգային մրցույթների ընթացքում։
«Այս միտումները վկայում են այն մասին, որ երկրում քիչ չէ ներուժը, բայց մեզ պակասում է այն հայրենիքում ներկայացնելու և կիրառելու կուլտուրան»,- ընդգծեց նա։
Հայաստանի երիգիծաբանների միության նախագահ, «Ոզնի» հումորիստական թերթի գլխավոր խմբագիր Արամայիս Սահակյանի խոսքով, հայկական երգիծանքը, ինչպես և ցանկացած ուրիշ երկրում, անհրաժեշտ է զարգացնել։
«Երգիծանքը մեր կյանքի հայելային արտացոլումն է և Աստված տա, որ մենք ծուռ հայելիներ չունենանք, իսկ երգիծանքը հանդես գա որպես փրկարար շրջան՝ նետված փոթորկվող ծովի մեջ»,- ամփոփեց նա։--0—
