Երևանում ապրիլի 28-ին տեղի կունենա կոմիքսների առաջին ազգային փառատոնի համար նախատեսված պաստառի և խորհրդանիշի մրցույթը։
«Մրցույթի կազմակերպիչների գաղափարը կայանում է նրանում, որ կոմիքսների կայանալիք փառատոնի խորհրդանիշը, դրա պատկերով պաստառը և թռուցիկը ստեղծվելու են հենց հայկական նկարիչների կողմից՝ ազգային ոճով», - «Նովոստի-Արմենիա» գործակալությանը տված հարցազրույցի ժամանակ ասաց Հայաստանում կոմիքսների զարգացման ֆրանսիական ասոցիացիայի ներկայացուցիչ և համահիմնադիր Տիգրան Մանգասարյանը։
Միաժամանակ նա ավելացրեց, որ Կոմիքսների փառատոնը տեղի կունենա Երևանում՝ 2008 թ.-ի հոկտեմբերի 3-5-ը։ Դրա կազմակերպիչներն են Չոբանյանի ինստիտուտը՝ Կովկասի, Թուրքիայի և Մերձավոր Արևելքի հիմնախնդիրների ուսումնասիրման անկախ գիտական ռազմավարական կենտրոնը և Ֆրանսիայի կոմիքսների և պատկերների ազգային կենտրոնը՝ Ֆրանսիայի և Հայաստանի ԱԳ նախարարությունների, ինչպես նաև ՀՀ մշակույթի նախարարության և Հայաստանում Ֆրանսիայի դեսպանատան աջակցությամբ։
Հայաստանում նման միջոցառման անցկացման գաղափարն ի հայտ եկավ այն բանից հետո, երբ 2006թ. հոկտեմբերի սկզբին Սիջեստ (Sigest) հրատարակչությունը տպագրեց հայերեն լեզվով նկարազարդ պատմությունների առաջին ժողովածուն՝ կոմիքսների աշխարհահռչակ հերոս-պատանու Տանտանի (Tintin) մասին։
Մանգասարյանի խոսքերով, փառատոնի խորհրդանիշի և պաստառի մրցույթը կանցկացվի Երևանում Ֆրանսիայի դեսպանատան շենքում, ժյուրիի կազմում են Անգուլեմի փոխքաղաքապետը, Կոմիքսների և պատկերների ազգային կենտրոնի, ինչպես նաև Ֆրանսիայում կոմիքսների միջազգային փառատոնի նախագահ Ժան Մարդիկյանը (Jean Mardikian), Փարիզի Չոբանյան ինստիտուտի և Սիջեստ հրատարակչության տնօրեն Վարուժան Սիրապյանը, Հայաստանում Ֆրանսիայի դեսպանատան մշակույթի հարցերով կցորդը, ինչպես նաև ՀՀ մշակույթի նախարարության ներկայացուցիչը։
«Մրցույթին կմասնացկեն շուրջ 20 ուսանողներ և գործող նկարիչներ, որոնք հետագայում կդառնան Կոմիքսների առաջին հայկական փառատոնի մասնակիցներ», - ասաց նա։
Մանգասարյանը նաև նշեց, որ կազմակերպիչները որոշել են բաշխել մրցանակային ֆոնդը հետևյալ կերպ՝ առաջին տեղ՝ 250 եվրո, երկրորդ տեղ՝ 75 եվրո, երրորդ տեղ՝ 50 եվրո, երկրորդ և երրորդ տեղերը զբաղեցրած մասնակիցները կստանան նաև կոմիքսների պատկերազարդ 10 ալբոմներ։
Հայաստանում կոմիքսների զարգացման ասոցիացիայի ներկայացուցիչը տեղեկացրեց, որ սեպտեմբերին՝ փառատոնի նախաշեմին Երևանում տեղի կունենա կոմիքսների երկրորդ մրցույթը երեք անվանակարգերում՝ «Ծաղրանկար», «Պատմություն կոմիքսի համար» և «Սցենար»։
«Մենք ծրագրում ենք, որ այդ մրցույթն ավելի մասշտաբային կլինի՝ ինչպես դրա կազմակերպման և անցկացման տեսակետից, այնպես էլ մրցանակային ֆոնդի տեսակետից», - ասաց Մանգասարյանը։
Նա նաև նշեց, որ երկու մրցույթները, ինչպես և փառատոնը, բաց միջոցառումներ են և անցկացվում են՝ կամաարտահայտության հավասարության և ազատության ավանդական ֆրանսիական սկզբունքներին համապատասխան։
«Մենք ցանկանում ենք, որպեսզի Հայաստանում որքան հնարավոր է ավելի շատ մարդիկ հետաքրքրվեն փորձարարական արվեստի այս ժանրով», - պարզաբանեց Մանգասարյանը։
Հայաստանում կոմիքսների զարգացման ասոցիացիան ստեղծվել է 2007 թ.-ի դեկտեմբերի սկզբին՝ Փարիզում։
Նկարազարդ պատմություններ ստեղծելու պատկերավոր արվեստների ուղղությունը լայնորեն տարածված է ամբողջ աշխարհում։ Մասնավորապես՝ իրենց մասնագիտական կարերան կոմիքնսերին (կոմիքսների ֆրանսիական անվանումն է band desine) են նվիրել Ֆրանսիայի, ԱՄՆ-ի (graphic novel), Իտալիայի (fumetti), Իսպանիայի (tebeos), Պորտուգալիայի (quadringo), Ֆինլանդիայի (sarjakuva), ինչպես նաև Ճապոնիայի (manga), Կորեայի (manwha) և Չինաստանի (manhua) բազմաթիվ նկարիչներ։ --0-
