Հայաստանում նշում են հայտնի հայ դերասանուհի Սիրանույշի 150-ամյակը

Հայաստանում նշում են հայտնի հայ դերասանուհի Սիրանույշի 150-ամյակը (Մերոբե Քանթրաջյան)։

Հոբելյանի կապակցությամբ Հայաստանի ազգային գրադարանում (ՀԱԳ) բացվել է Սիրանույշին նվիրված գրքերի և հրատարակումների ցուցահանդես։ Ինչպես հինգշաբթի հայտնեց ՀԱԳ տնօրենի տեղակալ Ռաֆիկ Ղազարյանը, ցուցահանդեսը պատմում է հայտնի հայ դերասանուհու կյանքի և արվեստի մասին։

«Սիրանույշը հայտնի է եղել ոչ միայն Արևմտյան և Արևելյան Հայաստանում, այլ նաև նրա սահմաններից դուրս։ Նա շրջագայել է Մոսկվայում, Սանկտ-Պետերբուրգում և շատ այլ քաղաքներում»,-ասաց նա։

Ղազարյանը նշեց, որ Սիրանուշը խաղացել է շուրջ 300 դեր և մեծ ներդրում է ունեցել հայկական թատերարվեստի պատմության մեջ։  

«Սիրանույշը լեգենդ է դարձել դեռևս կյանքի օրոք։ Նա առաջին հայ դերասանուհին է, որը կատարել է տղամարդու՝ Համլետի դերը Շեքսպիրի համանուն ողբերգությունում»,-հայտնեց նա։

Ղազարյանի խոսքերով, չնայած այն բանին, որ Սիրանույշը խաղացել է արտասահմանյան դրամատուրգների պիեսներում, նրա արվեստն ազգային բնույթ կրել։

Սիրանույշը ծնվել է 1857-ի մայիսին Կոստանդնոպոլսում։ Նրա կատարումներն առանձնացել են խորը զգացմունքայնությամբ, վառ կրքոտությամբ, կերպարների յուրահատուկ մեկնաբանմամբ։

Նա գլխավոր դերեր է կատարել մասնավորապես Շեքսպիրի պիեսներում՝ Օֆելյա և Համլետ՝ համանուն ստեղծագործություններում, Դեզդեմոնա՝ «Օթելլոյում», Լեդի Մակբեթ՝ «Մակբեթում», Գոներիլյա՝ «Լիր արքայում», Պորցիա «Վենետիկյան վաճառականում», Մարգարիտ՝ Դյումա-որդու «Թանկարժեք քարերով կինը» պիեսում, Կրուչինին՝ «Անմեղ մեղավորներում», Նաստասյա Ֆիլիպովնա՝ «Ապուշում»։ Սիրանուշը վախճանվել է 1932-ին Կահիրեում 75 տարեկան հասակում։—0--