Եվրոտեսիլ-2008 մրցույթին Հայաստանը կներկայացնի էստրադային երգչուհի Սիրուշոն

Հանրահայտ էստրադային երգչուհի Սիրուշոն 2008 թ.-ին կներկայացնի Հայաստանը Եվրոտեսիլ-2008 միջազգային երաժշտական մրցույթի ժամանակ, որը կկայանա Բելգրադում։

Նրա թեկնածությունը հաստատվել է Հայաստանի հանրային հեռուստաընկերության գեղարվեստական խորհրդի կողմից՝ վիճակահանության արդյունքում, որը նախօրեին ուղիղ եթերով հեռարձակում էր Հայաստանի հանրային հեռուստաընկերությունը։

Եվրոտեսիլի կազմակերպիչների նոր կանոնների համաձայն՝ այն երգը, որով տարբեր երկրների ներկայացուցիչներ պետք է ներկայանան մրցույթի ժամանակ, պետք է որոշվի հեռուստադիտողների շրջանում անցկացվող քվեարկության արդյունքում։

Սիրուշոն՝ նոր սերնդի երիտասարդ երգչուհի է, որը մեծ համբավ ունի ինչպես էստրադային երգերի, այնպես էլ ժողովրդական երաժշտության սիրահարների շրջանում։ Նա Հայաստանում սիրված և հայտնի  երգչուհի՝ Սյուզան Մարգարյանի դուստրն է։

Սիրուշոն բավականին ինքնուրույն է, նրա համերգները, ինչպես նաև ձայնասկավառակները մեծ հաջողություն ունեն։ Նա արժանացել է  «տարվա երգչուհի» կոչման, սակայն չի դադարում աշխատել, իսկ դա նշանակում է, որ նրա երկրպագուների թիվը այսուհետև էլ մեծ կլինի։

Այժմ նա սովորում է Երևանի պետական համալսարանի միջազգային հարաբերություններ ֆակուլտետում։

2008 թ.-ին Հայաստանը արդեն երրորդ անգամ կմասնակցի «Եվրոտեսիլին»։ 2006 թ.-ի մայիսին Հայաստանը ներկայացնող հանրահայտ էստրադային երգիչ Անդրեն, Աթենքում կատարելով «Without Your Love» (Առանզ քո սիրո)  երգը, զբաղեցրեց ութերորդ տեղը։

2007 թ.-ին Հելսինկիում Ազգային երաժշտական մրցանակաբաշխության «2006 թ.-ի լավագույն երգիչ» նոմինացիայի հաղթող, էստրադային երգիչ և կոմպոզիտոր Հայկոն կրկնեց Անդրեի հաջողությունը՝ երգելով «Anytime you need» (Երբ դու ցանկանաս) երգը։-0-