«Վերադարձ» փառատոնն միտված է կենտրոնացնել հայերի ուշադրությունը հայրենադարձության խնդրին

Դասական երաժշտության «Վերադարձ» փառատոնը, որը տեղի կունենա Երևանում սեպտեմբերի 19-30-ը, միտված է կենտրոնացնել սփյուռքահայերի ուշադրությունը հայրենադարձության խնդրի վրա։ Այս մասին երեքշաբթի մամուլի-ասուլիսում հայտարարեց «Արվեստների ցուցասրահ» մշակութային հիմնադրամի նախագահ Մարիամ Շահինյանը։

Նա նշեց, որ փառատոնի մասնակիցներն են հայտնի հայ երաժիշտներ, որոնք բնակվում և ստեղծագործում են արտերկրում։

«Նման փառատոնի ստեղծման գաղափարը կապված է այն բանի հետ, որ ողջ աշխարհում ապրում են շատ տաղանդավոր և հայտնի երաժիշտներ, որոնք տարբեր պատճառներով հայրենի հողի վրա համատեղ համերգներ չեն տվել»,-ասաց Շահինյանը։

Նրա խոսքերով, փառատոնի մասնակիցները ծրագրում են սկսնակ հայ երաժիշտենրի համար վարպետության դասեր անցկացնել։

«Փառատոնի գագաթնակետը կլինի վերջին համերգը, որտեղ կկատարվեն դասական հայ երգահանների ստեղծագործությունները»,-ասաց Շահինյանը։

Նա հայտնեց նաև, որ փառատոնի շրջանակներում ծրագրվում է կազմակերպել բարեգործական համերգ Գյումրիում։

«Վերադարձ» փառատոնի մասնակիցներն են Բելգիական Եղիզաբեթ թագուհու միջազգային մրցույթի ոսկե մեդալակիր Սերգեյ Խաչատրյանը (ջութակ, Գերմանիա), Կարեն Հարությունյանը (ջութակ, Գերմանիա), Կորյուն Ասատրյանը (սակսոֆոն, Գերմանիա), Լուսինե Խաչատրյանը (պիանինո, Գերմանիա), Գայանե Շարլույանը (դաշնամուր, Իսպանիա), Հայաստանի ժողովրդական դերասանուհի, դաշնակահարուհի Սվետլանա Նավասարդյանը, ինչպես նաև «Նարեկացի» արվեստի կենտրոնի նվագախումբը, դիրիժորներ Արամ Թալալյանը և Վլադիմիր Խաչատրյանը (Գերմանիա)։

Փառատոնը կանցկացվի Հայաստանի առաջին տիկին Բելլա Քոչարյանի բարձր հովանու ներքո Հայաստանի մշակույթի նախարարության աջակցությամբ։ Կազմակերպիչներն են «Արվեստների ցուցասրահ» մշակութային հիմնադրամը և «ՎԻԼՍ» երաժշտական փառատոնը (Գերմանիա)։--0—