Cosmopolitan-ը պատմել է հայ դիզայների հավաքածուի մասին (ԼՈՒՍԱՆԿԱՐ)

ԵՐԵՎԱՆ, 28 դեկտեմբերի. /Նովոստի-Արմենիա/. Հեղինակավոր Cosmopolitan ամսագիրը պատմել է երիտասարդ մոսկվաբնակ հայ դիզայներ Նենսի Ավետիսյանի «19152016» հավաքածուի մասին:

«Ամեն ինչ սկսվեց նախորդ տարվա գարնանը, երբ սկսեցի աշխատել նախագծի շուրջ, որի համար ոգեշնչվել եմ իմ նախնիների պատմությունից, - պատմում է Նենսին, - Ընդհանրապես, ես թերահավատորեն էի վերաբերվում այս ամենին, ինձ երբեք չի հետարքրքել այս թեման, ինչն այժմ ինձ զարմանալի է թվում», - նշել է Ավետիսյանը:



Ուսումնասիրությունների ժամանակ երիտասարդ դիզայներն իր համար բացահայտել է այնքան նոր բան, որ իրեն թվացել է, թե ներսում ամեն ինչ շրջվել է: «Ասես մինչ այդ լիարժեք չէի ապրում», - խոստովանել է աղջիկը:

19152016 հավաքածուի բոլոր նմուշները պատրաստված են հնագույն տեխնիկաների կիրառմամբ, օրինակ` գորգագրծության կամ բրդի լմման միջոցով: Դրանց մեծ մասը պատրաստվել է բնական հումքից. բուրդը բերվել է Հայաստանից:



«Առաջին նախագիծը շատ arty էր ստացվել: 99 տոկոսը ձեռքի աշխատանք էր, - ասում է Նենսին: Իհարկե, այս ամենը ոչ ոք առօրյա կյանքում չի հագնելու: Սակայն նման նպատակ իմ առջև չէի էլ դրել», - ասել է Ավետիսյանը:



Անմիջապես պայուսակներից հետո դիզայները պատրաստել է պայուսակներ: Ոչ մեծ, ուսից կախվող, գորգագործության տեխնիկայով ձեռքով պատրաստված, դրանք շատ ոճային տեսք ունեն և անպայման կառանձնացնեն տիրոջը ամբոխից:



Հավաքածուի աշխատանքները չափազանց մանրակրկիտ էին: Օրինակ 19152016 հավաքածուի մեկ պայուսակը պատրաստվում է 9 ժամ և ավելի: Բացի այդ, դիզայները շարունակում է մասնագիտական ուսումը և միաժամանակ նոր հավաքածուի մասին մտածում: Արդյոք, այն արդեն հաստատված թեմայի շարունակությունը կլինի: Ժամանակը կգա, կիմանանք:



Nensi Avetisian ապրանքանիշը հիմնվել է մոսկվացի դիզայներ, «Բրիտանկայի» ուսանող Նենսի Ավետիսյանի կողմից 2015 թ.-ին, իսկ նրա` 19152016 հեղինակային նախագիծը անսպասելիորեն կազմվել է ազգային մոտիվներով: -0-