Շառլ Ազնավուրի աստղը «վառվեց» Հոլիվուդի փառքի ճեմուղում (ԼՈՒՍԱՆԿԱՐ և ՏԵՍԱՆՅՈՒԹ)

ԵՐԵՎԱՆ, 28 հոկտեմբերի. /Նովոստի-Արմենիա/. Հոլիվուդի փառքի ճեմուղում բացվել է լեգենդար ֆրանսիահայ շանսոնիե Շառլ Ազնավուրի աստղը, հայտնել է ԱՄՆ-ում Հայաստանի դեսպանությունը Facebook-ի իր էջում:



«Ինձ համար պատիվ է նման պարգև ստանալը: Ինձ համար, անկախ ամեն ինչից, սա գեղեցիկ ճանաչում է: Շնորհակալ եմ սենատոր դը Լեոնին և նրա ողջ թիմին», - Facebook-ի իր էջում գրել է շանսոնիեն:



«Ազնավուրի աստղի բացման արարողությունը տեղի է ունեցել հոկտեմբերի 27-ին` Pantages թատրոնի դիմաց: CNN-ը և Time online-ը 1998 թ.-ին նրան ճանաչել են XX դարի լավագույն էստրադային կատարող», - նշվում է հաղորդագրության մեջ:



Իր ողջ ստեղծագործական կյանքի ընթացքում 92-ամյա Ազնավուրը գրել է շուրջ 1200 երգ 8 լեզուներով:

«Փառքի ճեմուղում» վրա կան նաև այլ «հայկական» աստղեր` ռեժիսոր Ռուբեն Մամուլյանի և երգչուհի Շերի (Շերիլին Սարգսյան) անվամբ: -0-