Brunette –ը գերում է Եվրոպան. Մադրիդում կայացել է Brunette–ի առաջին կենդանի ելույթը (ՎԻԴԵՈ)

ԵՐԵՎԱՆ, 10 ապրիլի./Նովոստի–Արմենիա/. «Եվրատեսիլ 2023»-ում Հայաստանը ներկայացնող երգչուհի Brunette–ն առաջին անգամ կենդանի ձայնով կատարել է իր «Future Lover» երգը Մադրիդում կայացած մրցույթի միջոցառման շրջանակում։

Նրա ելույթն ուղեկցվել է երկրպագուների ակտիվ աջակցությամբ, որոնց թվում էին ինչպես հայրենակիցներ, այնպես էլ օտարերկրացիներ։

«Future Lover» երգի տեսահոլովակը, որը Brunette–ը կկատարի մայիսին Լիվերպուլում կայանալիք Եվրատեսիլ 2023-ին, ամենաշատ դիտվածն է մրցույթի YouTube-յան պաշտոնական ալիքում, այն արդեն հավաքել է ավելի քան 4,2 միլիոն դիտում։

Մարտի 15-ին Հայաստանի Հանրային հեռուստաընկերության եթերում տեղի ունեցավ երգի պրեմիերան, որի հեղինակը Brunette–ն է։ Օտարերկրացիները, մասնավորապես եվրոպացիները, հիացած են երգով և տեսահոլովակով։–0–