ԵՐԵՎԱՆ, 11 փետրվարի./Նովոստի–Արմենիա/. BBC բրիտանական հեռուստառադիոհեռարձակող կորպորացիան ռեպորտաժ է պատրաստել Հայաստանում գործող բացառիկ ներառական թատրոնի մասին։
«Այս` սահմանափակ կարողություններով անձանց մասնակցությամբ խումբը հույս ունի ներկայացնել սեփական հնարավորություններն ու փոխել նման մարդկանց մասին կարծիքը Հայաստանում», – նշվում է ռեպորտաժում;
Հեղինակները նշում են, որ Հայաստանում սահմանափակ կարողություններով անձանց 92%–ը գործազուրկ է
«Դժվարություններ եղել են, սակայն հիմա չկան, ամեն ինչ անցյալում է։ Ինձ համար ամենից բարդը բեմ բարձրանալն էր։ Սկզբի համեմատ փոփոխությունները շատ մեծ են», – ռեպորտաժում նշել է Մանուկ անունով պարողը, ով ողնաշարի հետ կապված խնդիրներ ունի։
Սկսելով պարային կարիերային` Մանուկը շատ է բարելավել իր շարժունակությունը։
Ռեպորտաժում նշվում է, որ ներառական խումբը ճամփորդում է տարբեր երկրներով` հույս ոնենալով ապացուցել սեփական հնարավորություններն ու փոխել մարդկանց վերաբերմունքը սահմանափակ կարողություններով մարդկանց նկատմամբ։–0–
