Արծվիկն առաջատար է Եվրատեսիլի «Լավագույն մենակատար» քվեարկությունում

ԵՐԵՎԱՆ, 28 մարտի. /Նովոստի-Արմենիա/. «Եվրատեսիլ 2017» երգի միջազգային մրցույթի հայաստանյան ներկայացուցիչ Արծվիկն առաջատար է այդ մրցույթի «Լավագույն մենակատար» քվեարկությունում, որը մեկնարկել է wiwibloggs.com կայքում։

Հայ երգչուհին առցանց քվեարկությունում հավաքել է ձայների մոտ 10.6 տոկոսը։ Երկրորդ հորիզոնականում Բելգիայի ներկայացուցիչ երգչուհի Բլանշն է (9,9%), իսկ առատաջարների եռյակը եզրափակում է Կասիա Մոսը Լեհաստանից (8,9%)։

Քվեարկությանն արդեն մասնակցել է ավելի քան 4 հազար մարդ։

«Եվրատեսիլ 2017»–ին մասնակցում է 43 երկիր, մրցույթի կիսաեզրափակիչը կանցկացվի մայիսի 9–ին և 11–ին, եզրափակիչը կկայանա մայիսի 13–ին։

Ուկրաինան «Եվրատեսիլ 2017» անցկացնելու իրավունք է ստացել նրանից հետո, երբ Շվեդիայում անցկացված մրցույթում հաղթել է Ջամալան «1944» երգով։

Հայաստանը «Եվրատեսիլին» մասնակցում է սկսած 2006 թվականից։ Լավագույն արդյունքը չորրորդ տեղն է, որը զբաղեցրել են Սիրուշոն 2008 թվականին և Արամ MP3–ը 2014 թվականին։ -0-