Արեգ Բալայանը` «Ավրորա» լուսանկարչական մրցույթի հաղթող (ԼՈՒՍԱՆԿԱՐ)

ԵՐԵՎԱՆ, 17 մայիսի. /Նովոստի–Արմենիա/. «Մարդասիրության աչքերով» խորագրով լուսանկարչական ֆոտոցուցահանդեսն է բացվել «Դալան» ցուցասրահում մայիսի 16-ին։ Ֆոտոցուցահանդեսը ներառում էր «Ավրորա» լուսանկարչական մրցույթի մասնակցած լուսանկարները, հայտնում է auroraprize.com կայքը։

Արցախից Արեգ Բալայանի «Վերջապես հանգիստ» անվանմամբ լուսանկարը ճանաչվել է «Ավրորա» լուսանկարչական մրցույթի լավագույն աշխատանք։



Արեգն ապրիլյան պատերազմի օրերին առաջնագծում է եղել` գնացել է որպես զինվոր, բայց նաև լուսանկարել է այն ամենը, ինչ գրավել է նրա ուշադրությունը։

Լուսանկարչական մրցույթում երկրորդ տեղն է զբաղեցրել Սարգիս Բուլղադարյանը (Հայաստան)՝ «Առօրյա ջրի խնդիրը սահմանամերձ Թլիկում» լուսանկարի համար, երրորդ տեղում Վիզարուտ Սանխամի (Թաիլանդ) «Անագե պատերի հետևում» լուսանկարն է: Հատուկ մրցանակների են արժանացել Անահիտ Հայրապետյանը (Հայաստան)՝ «Փախստական հայր ու որդին Արցախում» լուսանկարի և Աննա Կարոլին դե Լիման (Բրազիլիա)՝ «Ռաջաշտանցի տղան» լուսանկարի համար: -0-