Վիրտուոզ ջութակահար Ջոշուա Բելը նվագախմբով ելույթ կունենա Երևանում

ԵՐԵՎԱՆ, 26 հոկտեմբերի. /Նովոստի–Արմենիա/.  Աշխարհում լավագույն կամերային նվագախումբ համարվող Academy of Saint Martin in the Fields նվագախումբը Երևանում համերգ կտա վիրտուոզ ջութակահար Ջոշուա Բելի գլխավորությամբ, «Նովոստի–Արմենիա» գործակալությանը հայտնեցին կազմակերպիչները։

 Համերգը կկայանա նոյեմբերի 15–ին Խաչատրյանի անվան համերգասրահում «Երևանյան հեռանկարներ» 16–րդ միջազգային երաժշտական փառատոնի շրջանակում։

Համերգի ընթացքում կհնչեն Բախի «Թիվ 2 կոնցերտը մի մինորում», Բարբերի «Ադաջիո լարայինների համար», Չայկովսկու «Սերենադ լարայինների համար» և Պացոլլայի «Բուենոս Այրեսի տարվա չորս եղանակները»։

Ջոշուա Բելը Գրեմմիի մրցանակակիր է, արժանացել է ԱՄՆ ակեդմիական կատարողների բարձրագույն պարգևի, Էվերի Ֆիշերի մրցանակի։ Նա նվագում է Անտոնիո Ստրադիվարիուսի 1713 թվականի Gibson ex-Huberman ջութակը։ -0-