Տեղի է ունեցել «Եվրատեսիլ 2023»–ում Վրաստանը ներկայացնող հայազգի երգչուհու տեսահոլովակի պրեմիերան (ՎԻԴԵՈ)

ԵՐԵՎԱՆ, 17 մարտի./Նովոստի–Արմենիա/. Նախօրեին «Եվրատեսիլ»–ի YouTube-յան պաշտոնական ալիքում տեղի է ունեցել«Եվրատեսիլ 2023»-ում Վրաստանի հայազգի ներկայացուցիչ Իրու Խեչանովայի մրցութային երգի և տեսահոլովակի պրեմիերան։

Հայկական արմատներով վրացի երգչուհի Իրու Խեչանովան դարձել է «The Voice» երաժշտական նախագծի հաղթող։ Խեչանովան նաև Candy խմբի անդամ էր, որը Վրաստանին երկրորդ հաղթանակը բերեց 2011 թվականին Երևանում կայացած «Մանկական Եվրատեսիլ» երգի մրցույթում։

Հայաստանն այս տարի «Եվրատեսիլ»–ում կներկայացնի երգչուհի Բրյունետը։

Մրցույթին կմասնակցի 37 երկիր։ Բուլղարիան, Հյուսիսային Մակեդոնիան և Չեռնոգորիան հրաժարվել են մասնակցել 2023 թվականի մրցույթին։ Առաջին և երկրորդ կիսաեզրափակիչները կկայանան մայիսի 9-ին և 11-ին, իսկ եզրափակիչը՝ մայիսի 13-ին։ -0-