Թանգարանների այցելությունը մինչև 12 տարեկան երեխաների համար կլինի անվճար. նախարար

ԵՐԵՎԱՆ, 14 ապրիլի./Նովոստի–Արմենիա/. Մայիսի մեկից ԿԳՄՍ նախարարության թանգարանների և արգելոց-թանգարանների մշտական ցուցադրության այցելությունը մինչև 12 տարեկան երեխաների համար կլինի անվճար, հայտարարել է ԿԳՄՍ նախարար Ժաննա Անդրեասյանը։

12 տարեկանից բարձր երեխաների և ուսանողների համար կգործի տոմսի կես գին։

«Նոր ուսումնական տարվանից էական փոփոխություն կկրի աբոնեմենտային ծրագիրը՝ կապվելով դպրոցական կրթական ծրագրին։ Կկարգավորվի նաև աբոնեմենտի շրջանակում թատրոն և թանգարան այցելության տրանսպորտային ծառայության հարցը այն դեպքերում, երբ կա դրա կարիքը», – նշել է նախարարը Facebook–յան իր էջում։–0–