Սեքսուալության խորհրդանիշ. Քայլի Ջենները նկարահանվել է Cardi B–ի պրովոկացիոն տեսահոլովակում (ՎԻԴԵՈ)

ԵՐԵՎԱՆ, 8 օգոստոսի./Նովոստի–Արմենիա/. Ամերիկահայ հեռուստաաստղ Քիմ Քարդաշյանի քույրը` միլիարդատիրուհի և Kylie Cosmetics ապրանքանիշի հիմնադիր Քայլի Ջենները նկարահանվել է հիփ–հոփ կատարող Cardi B–ի նոր պրովոկիացիոն տեսահոլովակում։

Տեսահոլովակում Քայլին հանդես է գալիս վագրային զգեստով` նրբագեղ քայլելով հյուրանոցային սրահով։

Cardi B–ն երգը կատարում է ռեփ կատարող Megan Thee Stallion–ի հետ։

Forbes–ի հրապարակած վարկանիշի համաձայն, Քայլին դարձել է 2020թ.–ի ամենաբարձր վարձատրվող աստղը։ Ավելի վաղ Forbes–ը Քայլիին զրկել է պատմության ամենաերիտասարդ միլիարդատիրուհու կարգավիճակից նրա ունեցվածքի հետ կապված մեքենայությունների պատճառով։–0–