Սցենարիստ Սթիվեն Զաիլյանի գանգստերական ֆիլմը հավակնում է «Օսկարի» (ՎԻԴԵՈ)
19:41
30 Նոյեմբերի 2019
ԵՐԵՎԱՆ, 30 նոյեմբերի ./Նովոստի–Արմենիա/. Վերլուծաբանները գնահատել են, թե որ ֆիլմերն են 2020թ.–ին հավակնում «Օսկար» մրցանակի։ Ֆիլմերի ցանկը հրապարակվել է Gold Derby կայքում, որը ներկայացնում է հեղինակավոր ժամանցային հրատարակությունների փորձագետների կանխատեսումները։
Մարտին Սկորսեզեի «Իռլանդացին» (The Irishman) գանգստերական դրաման, որը նկարահանվել է Սթիվեն Զաիլյանի սցենարով, դարձել է 2020թ.–ի «Օսկարի» գլխավոր հավակնորդը։
Գլխավոր դերակատարներն են Ալ Պաչինոն, Ռոբերտ դե Նիրոն և Բոբբի Կանավելեն։ «Իռլանդացին» ֆիլմում Սկորսեզեն անդրադառնում է գանգստերների կյանքին։
Ֆիլմի գլխավոր հերոսը, ում մարմնավորում է Ռոբերտ դե Նիրոն, ամերիկացի Ֆրենկ Շիրանն է` «Իռլանդացի» մականվամբ, ով սպանել է քսանհինգ գանգստերների, այդ թվում` հայտնի Ջիմի Հոֆին (Ալ Պաչինո)։ Շիրանը մաֆիոզ–մարդասպանի համբավ ունի։
Սցենարը գրել է հայազգի Սթիվեն Զաիլյանը` Չարլզ Բրանդտի «Ես լսել եմ` դուք տներ եք ներկում» վեպի մոտիվներով։–0–
«Նռան գույնը» պարային ներկայացման հայաստանյան պրեմիերան տեղի կունենա 2024 թվականի մարտին՝ Ա. Սպենդիարյանի անվան օպերայի և բալետի ազգային ակադեմիական թատրոնում
Ի նշանավորումն Սերգեյ Փարաջանովի 100-ամյակի, Երևանի կոնյակի գործարանի ARARAT թանգարանն իր ժամանակավոր ցուցադրությունների սրահում բացում է «Սերգեյ Փարաջանով․ Չընդհատված թռիչք» ցուցադրությունը