Նարեն փայլուն ելույթ ունեցավ Երևանում անցկացվող «Մանկական Եվրատեսիլ-2022» երգի միջազգային մրցույթում (ՎԻԴԵՈ)

ԵՐԵՎԱՆ, 11 դեկտեմբերի./Նովոստի-Արմենիա/. Հայաստանի ներկայացուցիչ Նարեն փայլուն ելույթ ունեցավ Երևանում անցկացվող «Մանկական Եվրատեսիլ-2022» երգի միջազգային մրցույթում՝ կատարելով DANCE երգը։

«Մանկական Եվրատեսիլ 2022» մրցույթն անցկացվում է Երևանի Կարեն Դեմիրճյանի անվան Մարզահամերգային համալիրում: Մրցույթն այս տարի անցկացվում է «Spin the Magic» կարգախոսի ներքո: Մրցույթի խորհրդանիշը հայկական ավանդական նախշերով զարդարված հոլն է։

Մրցույթին ընդհանուր առմամբ մասնակցում է16 երիտասարդ կատարող Ալբանիայից, Հայաստանից, Մեծ Բրիտանիայից, Վրաստանից, Իռլանդիայից, Իսպանիայից, Իտալիայից, Ղազախստանից, Մալթայից, Նիդեռլանդներից, Լեհաստանից, Պորտուգալիայից, Հյուսիսային Մակեդոնիայից, Սերբիայից, Ուկրաինայից և Ֆրանսիայից։ Ադրբեջանը, Բուլղարիան և Գերմանիան տարբեր պատճառներով հրաժարվել են մասնակցել մրցույթին։

«Մանկական Եվրատեսիլն» առաջին անգամ չէ, որ անցկացվում է Երևանում: Մրցույթն առաջին անգամ անցկացվել է Երևանում 2011 թվականին՝ երիտասարդ երգիչ Վլադիմիր Արզումանյանի հաղթանակի շնորհիվ։ Այս անգամ «Մանկական Եվրատեսիլը» Հայաստան է «բերել» երգչուհի Մալենան, ով 2021 թվականին Փարիզում կայացած մրցույթում առաջին տեղն է զբաղեցրել՝ կատարելով «Քամի, քամի» երգը։-0-