«Մեր բակը 25 տարի անց». կադրեր նկարահանման հրապարակից (ՎԻԴԵՈ)

29.06.2021, 15:11
«Մեր բակը 25 տարի անց». հրապարակվել են կադրեր նկարահանման հրապարակից.ՎԻԴԵՈ
«Մեր բակը 25 տարի անց». կադրեր նկարահանման հրապարակից (ՎԻԴԵՈ)
ԵՐԵՎԱՆ, 29 հունիսի./Նովոստի–Արմենիա/. 25 տարի անց նկարահանվում է «Մեր բակը» հայտնի հումորային ֆիլմաշարի 4–րդ մասը։

Հանրային հեռուստաընկերությունը հրապարակել է կադրեր նկարահանման հրապարակից։

Ինչպես արդեն հայտնել էինք, Երևանում մեկնարկել են «Մեր բակը 25 տարի անց» ֆիլմի նկարահանումները։

«Մեր բակը» նախագիծը միավորում է միանման գաղափարներով 3 ֆիլմ երևանյան բակի կյանքի մասին։ Առաջին ֆիլմի պրեմիերան կայացել է 1997 թվականին՝ Ամանորի գիշերը։ «Մեր բակը» երաժշտական կատակերգությունը պատմություն է երևանյան մի տիպային բակի առօրյայից՝ իր ներքին մանր խարդավանքներով, փողոցային պարզաբանումներով, սիրային պատմություններով։ Կինոնկարի կերպարներից են շենքի լիազորը, որին բոլորն անհանգստացնում են իրենց անվերջ բողոքներով, ոչ մի լուր բաց չթողնող, բամբասկոտ հարևանուհին, ընթերցասեր և մեծ գրողներից մեջբերումներ անող տաղտկալի ու տարօրինակ ամուրին, անհաջողակ նկարիչը, բարեհոգի պաշտոնյան և շատ ու շատ ուրիշներ։ Նրանց փոխհարաբերություններն այնքան էլ սովորական չեն, երբեմն՝ նույնիսկ լարված են, բայց երբ օտար մարդիկ փորձում են բնակություն հաստատել բակում՝ բոլոր հարևանները մոռանում են իրենց տարաձայնություններն ու հարևանաբար պաշտպանում իրար՝ ձգտելով պահպանել հարազատ բակի ոգին ու ավանդույթները։–0–