«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել (ՎԻԴԵՈ)

ԵՐԵՎԱՆ, 8 մայիսի./Նովոստի-Արմենիա/. Հայտնի երգիչ Անդրեն հրապարակել է «Իմ Շուշի» երգի նոր տեսահոլովակը:

Երգը հնչում է արցախյան բարբառով: Երաժշտության և խոսքերի հեղինակն Անդրեն է, տեսահոլովակի ռեժիսորը՝ Արսեն Եսայան:
Տեսահոլովակը նվիրված է Շուշիի ազատագրմանը:

Շուրջ 30 տարի հայ ժողովուրդը մայիսի 9-ին նշում էր եռատոն՝ Հայրենական մեծ պատերազմում տարած հաղթանակը, Արցախի պաշտպանության
բանակի կազմավորման ու Շուշիի ազատագրման օրը:

Սակայն 2020թ:-ին թուրք-ադրբեջանական տանդեմի կողմից սանձազերծված պատերազմի հետևանքով Շուշի բերդաքաղաքն ու Արցախի մի շարք շրջաններ անցան Ադրբեջանի վերահսկողության տակ:-0-