ԵՐԵՎԱՆ, 10 դեկտեմբերի./Նովոտսի-Արմենիա/. ԱՄՆ-ում հայտնի են դարձել «Ոսկե Գլոբուս» ամենամյա մրցանակաբաշխության հավակնորդները, որն այս տարի կանցկացվի հունվարի 5-ին: Երեկոն կվարի բրիտանացի կատակերգու Ռիկի Ջերվեյսը, հաղորդում է BBC-ին:
Մրցանակը հանձնում է Օտարերկրյա մամուլի հոլիվուդյան ասոցիացիան, որը հիմնվել է Լոս Անջելեսում 1943թ.-ին: Համարվում է, որ «Ոսկե Գլոբուսն» «Օսկար»-ին նախորդող յուրատեսակ մի փորձ է:
Այս տարի բազմաթիվ անվանակարգերում ընդգրկված են Netflix սթրիմինգային ծառայության կողմից նկարահանված ֆիլմերը: «Ամուսնական պատմություն» (Marriage Story) ֆիլմն ընդգրկված է վեց (ամենից շատ անվանակարգերը), Մարտին Սկորսեզեի «Իռլանդացին» ֆիլմը` հինգ, իսկ «Երկու պապերը» ֆիլմը` չորս անվակարգերում:
Загружается новость ... "Лево"
Հինգ անվանակարգում է ներառված է Քվենտին Տարանտինոյի «Մեկ անգամ Հոլիվուդում» ֆիլմը:
Նոմինացված սերիալների թվում կարելի է առանձնացնել «Թագը», «Չերնոբիլ» և «Անհավանականը» սերիալները: Բոլորն ընդգրկվել են չորս անվանակարգերում:
Առաջին անգամ «Ոսկե Գլոբուսին» առաջադրվել է սերիալ, որը ստեղծվել է Apple ընկերության նոր սթրիմինգային ծառայության կողմից: «Առավոտյան շոուն», որում նկարահանվել են Ջենիֆեր Էնիստոնը և Սթիվ Կարելը, կարող է մրցանակի արժանանալ «Լավագույն հեռուստատեսային սերիալ» (դրամա) անվանակարգում:
Դրամատիկ ֆիլմում տղամարդու լավագույն դերի համար անվանակարգում հավակնորդներից մեկն է «Ֆորդն ընդդեմ Ֆերարիի» ֆիլմում հանդես եկող Քրիստիան Բեյլը: Մրցանակի համար նույնպես պայքարում են Ջոնաթան Փրայսը («Երկու պապերը»), Անտոնիո Բանդերասը («Ցավ և փառք»), Ադամ Դրայվերը («Ամուսնական պատմություն») և Հոակին Ֆենիքսը («Ջոկեր») ֆիլմի համար:
Կատարկերգությունում կամ մյուզիքլում տղամարդու լավագույն դերի համար պայքարում են երկու բրիտանացիներ` Դենիել Քրեյգը («Դանակները դուրս») և Թերոն Էջերթոնը («Ռոքեթմեն»): Մրցանակի մյուս հավակնորդներն են Լեոնարդո դի Կապրիոն («Մեկ անգամ Հոլիվուդում»), Ռոման Գրիֆին Դևիսը և Էդի Մերֆին:
Կնոջ լավագույն դերի համար անվանակարգում պայքարում են Սինտիա Էրիվոն («Հարիեթ»), Սքարլեթ Յոհանսոնը («Ամուսնական պատմություն»), Սիրշա Ռոնանը («Փոքրիկ կանայք»), Շարլիզ Թերոնը («Սկանդալ»), Ռենե Զելվեգերը («Ջուդի»):
«Լավագույն ռեժիսոր» անվանակարգում պայքարում են Մարտին Սկորսեզեն («Իռլանդացին»), Քվենտին Տարանտինոն («Մեկ անգամ Հոլիվուդում»), Պոն Չժուն Խոն («Մակաբույծները»), Սեմ Մենդեսը («1917») և Թոդ Ֆիլիպսը («Ջոկեր»):
Արարողությանը մրցանակ կհանձնվի
նաև կինոարտադրության մեջ կատարած ներդրման համար, որին այս տարի կարժանանա Թոմ Հենքսը:
-0-
