Հայաստանը դուրս եկավ «Եվրատեսիլ 2023»-ի եզրափակիչ (ՎԻԴԵՈ)

ԵՐԵՎԱՆ, 12 մայիսի./Նովոստի-Արմենիա/. «Եվրատեսիլ 2023»-ին Հայաստանը ներկայացնող Brunette-ը, երկրորդ կիսաեզրափակչի քվեարկության արդյունքում, դուրս եկավ մրցույթի եզրափակիչ:

Նա փայլուն ելույթ ունեցավ Future Lover երգով։ Տպավորիչ համարն ու հետաքրքիր հատուկ էֆեկտները տպավորեցին հանդիսատեսին։


Երկրորդ կիսաեզրափակչի արդյունքում մրցույթի եզրափակիչ դուրս եկան նաև Ալբանիայի, Կիպրոսի, Էստոնիայի, Բելգիայի, Ավստրիայի, Լիտվայի, Լեհաստանի, Ավստրալիայի, Սլովենիայի ներկայացուցիչները:

Եզրափակչին, որը կկայանա մայիսի 13-ին Լիվերպուլում, կմասնակցեն նաև երկրորդ կիսաեզրափակչի հաղթողները և մրցույթի հիմնադիր երկրների, այսպես կոչված, «Մեծ հնգյակի» ներկայացուցիչները (Մեծ Բրիտանիա, Գերմանիա, Իսպանիա, Իտալիա և Ֆրանսիա): Առաջին կիսաեզրափակչի արդյունքներով մրցույթի եզրափակիչ դուրս եկան Խորվաթիայի, Մոլդովայի, Շվեյցարիայի, Նորվեգիայի, Չեխիայի, Իսրայելի, Պորտուգալիայի, Շվեդիայի, Սերբիայի և Ֆինլանդիայի ներկայացուցիչները:-0-