«Եվրատեսիլ 2022»-ում հաղթող հռչակվեց Ուկրաինան (ՎԻԴԵՈ)

ԵՐԵՎԱՆ, 15 մայիսի./Նովոստի-Արմենիա/. Իտալիայի Թուրին քաղաքում քիչ առաջ ավարտված «Եվրատեսիլ 2022» երգի միջազգային մրցույթում հաղթեց Ուկրաինան՝ հավաքելով 631 միավոր:

Երկրորդ տեղում է Մեծ Բրիտանիան՝ 466 միավոր և երրորդը Իսպանիան է՝ 459 միավոր:

Մրցույթի հաղթողը որոշվեց ժյուրիի և հանդիսատեսի SMS քվեարկության արդյունքում, ձայները բաշխվեցին 50/50 հարաբերակցությամբ:

«Եվրատեսիլ 2022» երգի միջազգային մրցույթում Հայաստանը ներկայացնող Ռոզա Լին զբաղեցրեց 20-րդ տեղը՝ հավաքելով 61 միավոր:

Ռոզան փայլուն կատարեց «SNAP» ստեղծագործությունը: Նրա ելույթի բեմադրության հեղինակները ավստրիացի Մարվին Դիեթմանն է և անգլիացի Դեն Շիփթոնը։

Նշենք, որ մրցույթի եզրափակչին մասնակցում էր 25 երկիր:-0-