«Եվրատեսիլ 2019»–ում Հայաստանը ներկայացնող Սրբուկն առաջին փորձն է անցկացրել եվրատեսիլյան բեմում (ՎԻԴԵՈ)

ԵՐԵՎԱՆ, 6 մայիսի./Նովոստի–Արմենիա/. «Եվրատեսիլ 2019»–ում Հայաստանը ներկայացնող Սրբուկն առաջին փորձն է անցկացրել եվրատեսիլյան բեմում։ Մրցույթը կմեկնարկի մայիսի 14–ին Թել Ավիվում (Իսրայել)։

Սրբուկը հանդես կգա Walking Out երգով։ «Եվրատեսիլ 2019»–ի եզրափակիչը կանցկացվի մայիսի 18–ին Թել Ավիվի Ցուցահանդեսային կենտրոնում։

Բացի Հայաստանից, մայիսի 16–ին կայանալիք երկրորդ կիսաեզրափակչի առաջին կեսում ելույթ կունենան Ավստրիայի, Դանիայի, Իռլանդիայի, Մոլդովայի, Ռումինիայի, Շվեյցարիայի և Շվեդիայի ներկայացուցիչները, ինչպես նաև ավտոմատ կերպով նախնական որակավորում անցած Գերմանիայի, Իտալիայի և Մեծ Բրիտանիայի ներկայացուցիչները։-0-