2017 թ.-ից Հայաստանում հասանելի կլինեն թատրոնների կամ համերգների էլեկտրոնային տոմսերը

05.11.2016, 19:25
2017 թ.-ին Հայաստանում կներդրվի մշակութային միջոցառումների էլեկտրոնային տոմսերի գնման միասնական համակարգ:
2017 թ.-ից Հայաստանում հասանելի կլինեն թատրոնների կամ համերգների էլեկտրոնային տոմսերը

ԵՐԵՎԱՆ, 5 նոյեմբերի. /Նովոստի-Արմենիա/. 2017 թ.-ին Հայաստանում կներդրվի մշակութային միջոցառումների էլեկտրոնային տոմսերի գնման միասնական համակարգ, ասաց ՀՀ մշակույթի փոխնախարար Արթուր Պողոսյանը ուրբաթ խորհրդարանական հանձնաժողովներում երկրի 2017 թ.–ի պետբյուջեի նախագծի քննարկման ընթացքում ։

Նրա խոսքով, այս տարի փորձնական կարգով իրականացվել են որոշ թատրոնների և համերգասրահի էլեկտրոնային տոմսերի վաճառքներ, որոնց արդյունքները դրական են եղել:

 «2017 թ.-ից մենք մշակութային միջոցառումների տոմսերի վաճառքի միասնական էլեկտրոնային համակարգ կներդնենք, ինչը թույլ կտա վերացնել հնարավոր կոռուպցիոն ռիսկերը», - ասաց Պողոսյանը։

Նա նշեց, որ էլետրոնային տեխնոլոգիաները նախատեսվում է ներդնել նաև թանգարաններում, մասնավորապես, հաշվառվելու են և թանգարանացվելու են մշակութային արժեք ունեցող նմուշները, իսկ հինգ թանգարաններում նախատեսվում է ներդնել բարձր տեխնոլոգիական հավելվածներ: -0-