Որոշվեց, թե ով է Հայաստանը ներկայացնելու «Եվրատեսիլ 2019»–ում

30.11.2018, 23:18
Որոշվեց, թե ով է Հայաստանը ներկայացնելու «Եվրատեսիլ 2019»–ում:
Որոշվեց, թե ով է Հայաստանը ներկայացնելու «Եվրատեսիլ 2019»–ում

ԵՐԵՎԱՆ, 30 նոյեմբերի./Նովոստի–Արմենիա/. Երգչուհի Սրբուհի Սարգսյանը կներկայացնի Հայաստանը «Եվրատեսիլ 2019» երգի միջազգային մրցույթում։ Այս մասին հայտարարվեց Հանրային հեռուստաընկերության եթերով հեռարձակվող «Բարի երեկո» շոուի ժամանակ։ 

Այս պահին հայտարարվել է մրցույթ երգի ընտրության համար։

Մրցույթին իրենց մասնակցությունն են հաստատել Հայաստանը, Ավստրալիան, Ավստրիան, Ադրբեջանը, Ալբանիան, Բելառուսը, Բելգիան, Մեծ Բրիտանիան, Հունգարիան, Գերմանիան, Հունաստանը, Վրաստանը, Դանիան, Իսրայելը, Իռլանդիան, Իսլանդիան, Իսպանիան, Իտալիան, Կիպրոսը, Լատվիան, Լիտվան, Մակեդոնիան, Մալթան, Մոլդովան, Նիդերլանդները, Նորվեգիան, Լեհաստանը, Պորտուգալիան, Ռումինիան, Ռուսաստան, Սան Մարինոն, Սերբիան, Սլովենիան, Ուկրաինան, Ֆինլանդիան, Ֆրանսիան, Խորվաթիան, Մոնտենեգրոն, Չեխիան, Շվեյցարիան, Շվեդիան և Էստոնիան։

Մրցույթի կիսաեզրափակչում կմրցի 36 երկիր։ Ըստ ավանդույթի, հյուրընկալ երկրի ներկայացուցչի, ինչպես նաև հիմնադիր երկրների` Ֆրանսիայի, Գերմանիայի, Իտալիայի, Իսպանիայի և Մեծ Բրիտանիայի ներկայացուցիչներն ավտոմատ կերպով անցնում են եզրափակիչ։

«Եվրատեսիլ 2019»–ը կանցկացվի Թել Ավիվի տոնավաճառների կենտրոնում։ Կիսաեզրափակիչները կանցկացվեն մայիսի 14–ին և 16–ին, եզրափակիչը` մայիսի 18–ին։–0–