ԵՐԵՎԱՆ, 25 փետրվարի. /Նովոստի–Արմենիա/. Աշխարհահռչակ ամերիկացի երգչուհի և կոմպոզիտոր Բեթ Հարթը (Beth Hart) Instagram–ում երեք տարվա վաղեմության տեսանյութ է հրապարակել։
Նրա երևանյան այցի ժամանակ նկարահանված տեսանյութում երևում է, թե ինչպես է երգչուհին ուշադիր և մեծ հիացմունքով լսում հայտնի ջազմեն Կարեն Գրիգորյանի դաշնամուրի կատարումը։
Բեթ Հարթը 2015 թ.–ի հուլիսին համերգ է տվել Կ. Դեմիրճյանի անվան մարզահամերգային համալիրում։ Նա այցելել էր Հայաստան ամուսնու` Սքոթ Գեթսկովի հետ։ Բեմում երգչուհին կազմակերպեց ոչ թե համերգ, այլ իսկական էմոցիաների խելահեղ հրավառություն` կատարելով իր հիթերից 17–ը։