498.82
6.81
472.64
+11
Եղանակը Երևանում
Հայ

Սիրահարների օրվան նվիրված շքեղ համերգ են խոստանում

17:17
12 Փետրվարի 2016

ԵՐԵՎԱՆ, 12 փետրվարի. /Նովոստի–Արմենիա/. «D’Black Blues Orchestra» հայտնի երաժշտական համույթն ու Հայաստանի պետական երիտասարդական նվագախումբը խոստանում են Սիրահարների օրը շքեղ համերգ կազմակերպել Երևանում։

D’Black Blues Orchestra»–ն և Հայաստանի պետական երիտասարդական նվագախումբը ելույթ կունենան փետրվարի 14–ին` Սուրբ Վալենտինի օրը Կ. Դեմիրճյանի անվան մարզահամերգային համալիրում։ Համերգը նվիրված է լեգենդար բրիտանացի ռոք–երաժիշտ Էրիկ Քլեփթոնի 70–ամյակին։

«Մենք առաջին անգամ չենք Հայաստանում, սակայն նմանատիպ խոշոր ծրագրով առաջին անգամ ենք մասնակցում։ Փետրվարի 13–ին մեր խումբը ելույթ կունենա «Yans»–ում, իսկ 14–ին` ՄՀՀ–ում Հայաստանի երիտասարդական նվագախմբի հետ», – ասաց «D’Black Blues Orchestra» խմբի կիթառահար Վլադիմիր Ավետիսյանը։

Նա նշեց, որ փետրվարի 14–ին խումբը հանդես կգա գրեթե իր ողջ կազմով (շուրջ 15 երաժիշտ)։

«Մենք գրեթե մեկ տարի փորձում ենք այս ձևաչափը նվագախմբի հետ միասին։ Բնական է, որ նորամուծություն չենք անում, քանի որ նման ձևաչափով ելույթ են ունենում բազմաթիվ խմբեր։ Կարծում եմ` սա գեղեցիկ է և հետաքրքիր ոչ միայն երաժշտական տեսակետից, այլ նաև այն պատճառով, որ, փաստորեն, վաղը չէ մյուս օրը մենք առաջին անգամ հանդիպում ենք երիտասարդական սիմֆոնիկ նվագախմբի հետ», – ավելացրեց Ավետիսյանը։

Նա նաև նշեց, որ իրենց ուրախացրել է այն փաստը, որ նվագախմբի դիրիժորը երիտասարդ է, քանի որ նման ծրագիրը պահանջում է խիզախություն և հանդգնություն դասական երաժիշտների համար։

Հայաստանի պետական երիտասարդական նվագախմբի գեղարվեստական ղեկավար Սերգեյ Սմբատյանն իր հերթին ավելացրեց, որ երաժիշտներն անհամբերությամբ սպասում են համերգին։

«Այս համերգի կարևորությունն այն է, որ մենք աշխատելու ենք «D’Black Blues Orchestra» խմբի հետ։ Կհնչի շատերին հայտնի երաժշտություն, այդուհանդերձ, ունկնդիրներին կներկայացվի ամբողջովին նոր ձևաչափ», – նշեց Սմբատյանը։

Նա ընդգծեց, որ չնայած, որ երկու համույթները ծանոթացել են միայն այսօր, փետրվարի 14–ին նրանք ելույթ կունենան որպես ներդաշնակ համույթ, քանի որ հաղորդակցության լեզուն երաժշտությունն է։

«D’Black Blues Orchestra» համույթը համախմբել է աշխարհի հինգ երկրների (ԱՄՆ, Ռուսաստան, Բելգիա, Շվեյցարիա, Իսպանիա) վառ և տաղանդավոր կատարողների։ Երաժիշտները հյուրախաղերով հանդես են եկել Մեծ Բրիտանիայում, Իսպանիայում, Շվեյցարիայում, Ֆինլանդիայում, Չինաստանում, Մերձբալթիկայում, ինչպես նաև Հայաստանում և ԼՂՀ–ում։

Հայաստանի պետական երիտասարդական նվագախումբը հիմնվել է 2005 թվականին Սերգեյ Սմբատյանի կողմից։ 2007 թվականից Արամ Խաչատրյանի անվան միջազգային մրցույթի պաշտոնական նվագախումբն է, 2009 թվականից` Երիտասարդական նվագախմբերի եվրոպական ֆեդերացիայի անդամ։ Նվագախումբը համագործակցել է այնպիսի հայտնի վարպետների հետ, ինչպիսիք են Վալերի Գյորգիևը, Քշիշտոֆ Պենդերեցկին, Վլադիմիր Սպիվակովը, Գրիգորի Ժիսլինը, Մաքսիմ Վենգերովը, Դենիս Մացուևը, Վադիմ Ռեպինը, Վահագն Պապյանը, Բորիս Բերեզովսկին և ուրիշներ։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
14:26
10 Մայիսի 2022
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը (ՎԻԴԵՈ)
Հայազգի Լարի Գագոսյանը ձեռք է բերել 20–րդ դարի արվեստի ամենաթանկ ստեղծագործությունը. ՎԻԴԵՈ
22:15
08 Մայիսի 2022
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել (ՎԻԴԵՈ)
«Իմ Շուշի». Անդրեն արցախյան բարբառով նոր երգ ու տեսահոլովակ է ներկայացրել. ՎԻԴԵՈ
12:28
04 Մայիսի 2022
Ha Nina. տեղի է ունեցել Աբրահամ Ռուսսոյի ու Արման Հովհաննիսյանի տեսահոլովակի պրեմիերան (ՎԻԴԵՈ)
Արման Հովհաննիսյանն ու Աբրահամ Ռուսսոն նոր զուգերգ են ներկայացրել. ՎԻԴԵՈ
23:25
03 Մայիսի 2022
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին (ՖՈՏՈ)
«Պատրաստվում ենք լավ ժամանակ անցկացնել».50 Cent-ն անդրադարձել է իր երևանյան համերգին. ՖՈՏՈ
13:11
02 Մայիսի 2022
ԳեոՊրոՄայնինգը հովանավորել է ականավոր ջազմեն Գարի Կեսայանի համերգը (ՖՈՏՈ)
Ապրիլի 30-ին ԳեոՊրոՄայնինգ ընկերությունների խմբի աջակցությամբ Երևանի Արամ Խաչատրյան համերգասրահում տեղի ունեցավ ականավոր ջազմեն Գարի Կեսայանի համերգը. ՖՈՏՈ
10:15
01 Մայիսի 2022
50 Cent-ն ու ZAZ-ը ելույթ կունենան Երևանում
Աշխարհահռչակ ռեփեր 50 Cent-ն ու ֆրանսիացի երգչուհի ZAZ-ը ելույթ կունենան Երևանում
19:53
29 Ապրիլի 2022
Ֆորշը միկրոինսուլտ է տարել. երգչի որդին մանրամասներ է հայտնել հայրիկի առողջականից
Ֆորշը միկրոինսուլտ է տարել. երգչի որդին մանրամասներ է հայտնել հայրիկի առողջականից
21:10
19 Ապրիլի 2022
Հա՞յ է, թե՞ ոչ. աշխարհահռչակ երգիչ Գարուն՝ հայկական արմատների մասին (ՎԻԴԵՈ)
Հա՞յ է, թե՞ ոչ. աշխարհահռչակ երգիչ Գարուն՝ հայկական արմատների մասին. ՎԻԴԵՈ
16:00
06 Ապրիլի 2022
Հայտնի է «Մանկական Եվրատեսիլ» 20–րդ մրցույթի անցկացման ամսաթիվը, այն կանցկացվի Մարզահամերգային համալիրում (ՎԻԴԵՈ)
«Մանկական Եվրատեսիլ» 20–րդ մրցույթն այս տարի կանցկացվի Երևանում. ՎԻԴԵՈ
10:33
04 Ապրիլի 2022
Հայտնի է Grammy–ի մրցանակակիրը «Տարվա երգ» անվանակարգում (ՎԻԴԵՈ)
Հայտնի է Grammy–ի մրցանակակիրը «Տարվա երգ» անվանակարգում. ՎԻԴԵՈ
20:19
31 Մարտի 2022
Marvel-ի նոր սերիալում Հայոց ցեղասպանությունը հիշատակվում է որպես սարսափելի հանցագործություն (ՎԻԴԵՈ)
Marvel-ի նոր սերիալում Հայոց ցեղասպանությունը հիշատակվում է որպես սարսափելի հանցագործություն. ՎԻԴԵՈ
09:54
28 Մարտի 2022
Լոս Անջելեսում կայացել է «Օսկար» մրցանակաբաշխությունը
Հայտնի են այս տարվա օսկարակիրները