Երևանում կկայանա «Արտավազդ» ամենամյա թատերական մրցանակաբաշխությունը
ԵՐԵՎԱՆ, 22 մարտի./Նովոստի–Արմենիա/. Թատրոնի միջազգային օրվա կապակցությամբ` մարտի 26-ին Հ. Պարոնյանի անվան երաժշտական կոմեդիայի պետական թատրոնում կկայանա «Արտավազդ» ամենամյա մրցանակաբաշխությունը, հաղորդում է ՀՀ մշակույթի նախարարության մամուլի ծառայությունը։
Մրցանակաբաշխությունը կազմակերպվում է ՀՀ վարչապետ Հովիկ Աբրահամյանի հովանու ներքո, ՀՀ մշակույթի նախարարության աջակցությամբ, Հայաստանի թատերական գործիչների միության նախաձեռնությամբ։
«Արտավազդ» մրցանակաբաշխությունն այս տարի նվիրված է Հայաստանի թատերական գործիչների միության 75-ամյակին:
«Արտավազդ» մրցանակն այս տարի կտրվի 13 անվանակարգերում. «Լավագույն կին դերակատար», «Երկրորդ պլանի լավագույն կին դերակատար», «Երկրորդ պլանի լավագույն տղամարդ դերակատար», «Լավագույն տղամարդ դերակատար», «Լավագույն ռեժիսուրա», «Լավագույն սցենոգրաֆիա», «Լավագույն երաժշտական ձևավորում», «Լավագույն մանկական ներկայացում», «Լավագույն երիտասարդ դերասանուհի», «Լավագույն երիտասարդ դերասան», «Լավագույն երիտասարդ բեմադրիչ», «Լավագույն երիտասարդական ներկայացում», «Լավագույն ներկայացում»:–0–
