ԵՐԵՎԱՆ, 7 մարտի. /Նովոստի–Արմենիա/. Երևանում տեղի կունենա Ռուսաստանի և Վրաստանի ժողովրդական արտիստուհի, երգչուհի, երգահան և դերասանուհի, բազմաթիվ միջազգային մրցույթների մրցանակակիր Թամարա Գվերդցիթելիի մենահամերգը։
Ինչպես «Նովոստի–Արմենիա» գործակալությանը տեղեկացրեցին համերգի կազմակերպիչները, «Վերադարձ» խորագիրը կրող մենահամերգը տեղի կունենա ապրիլի 12-ին ժամը 19-ին «Արամ Խաչատրյան» համերգասրահում։
Հայ հանդիսատեսը հնարավորություն կունենա վայելել երգչուհու կատարումները կենդանի հնչողությամբ՝իր նվագախմբի նվագակցությամբ:
Թամարա Գվերդցիթելիի հրաշալի և հզոր ձայնը, ինչպես նաև երգացանկը (վրացական, ռուսական,հայկական, ֆրանսիական և այլն) ընդունվել և սիրվել է հայ հանդիսատեսի կողմից: Երգչուհին հատուկ կարևորություն է տալիս հենց համերգային գործունեությանը, և նրա համերգներն միշտ առանձնանում են իմպրովիզացիոն հզոր հնարքներով:
Թամարա Գվերդցիթելին երգերը կատարում է ավելի քան տասը լեզուներով՝ վրացերեն, ռուսերեն,ֆրանսերեն, իտալերեն, իսպաներեն, անգլերեն, ուկրաիներեն, հայերեն, գերմաներեն և այլն: Նրա երգացանկը նաև հարուստ է Առնո Բաբաջյանի ստեղծագործություններով:
1987 թվականից սկսած՝ երգչուհին ընդգրկվել է տարբեր մրցանակաբաշխություններում ու մրցույթներում՝ որպես ժյուրիի անդամ։ 1991 թվականին Թամարա Գվերդցիթելին հրավիրվում է Փարիզ, որտեղ ծանոթանում է հայազգի կոմպոզիտոր Միշել Լեգրանի և Ժան Դրեժակի հետ։ Թամարա Գվերդցիթելին ելույթ է ունեցել նաև Փարիզի «Օլիմպիա» համերգասրահում:
«Նովոստի–Արմենիա» գործակալությունը համերգի ինֆորմացիոն հովանավորն է։–0–
