Սիրված մուլտֆիլմերի մեղեդիները՝ «Cartoon Non-Stop» բարեգործական համերգին
25.12.2016,
18:10
Հայաստանի պետական երիտասարդական նվագախումբը կիրակի Երևանում ելույթ կունենա «Cartoon Non-Stop» բարեգործական համերգով:
ԵՐԵՎԱՆ, 25 դեկտեմբերի. /Նովոստի-Արմենիա/. Հայաստանի պետական երիտասարդական նվագախումբը կիրակի Երևանում ելույթ կունենա «Cartoon Non-Stop» բարեգործական համերգով, հաղորդում է նվագախմբի մամուլի ծառայությունը:
Դեկտեմբերի 26-ին՝ ժամը 19.30, Ալ. Սպենդիարյանի անվան օպերայի և բալետի ազգային ակադեմիական թատրոնում Հայաստանի պետական երիտասարդական նվագախումբը Ամանորի նվեր կմատուցի հանդիսատեսին՝ ներկայացնելով Cartoon Non-Stop համերգային ծրագիրը:
«Համերգը բարեգործական է։ Երեկոյի ընթացքում կհնչեն սիրված մուլտֆիլմերի մեղեդիները։ Մեծ էկրանի վրա կցուցադրվեն նաև հատվածներ այդ մուլտֆիլմերից», - նշվում է հաղորդագրության մեջ:
Պատճենել հղումը
