«Քոչարի» հայկական ավանդական պարը, հնարավոր է, ներառվի ՅՈւՆԵՍԿՕ–ի ոչ նյութական ժառանգության ցանկում

ԵՐԵՎԱՆ, 3 դեկտեմբերի. /Նովոստի–Արմենիա/. «Քոչարի» հայկական ավանդական պարը ՅՈւՆԵՍԿՕ–ի ոչ նյութական ժառանգության ցանկում ներառվելու հարցը քննարկվել է ՅՈՒՆԵՍԿՕ-ի ոչ նյութական մշակութային ժառանգության պահպանման միջկառավարական կոմիտեի 10-րդ նստաշրջանի ընթացքում, հաղորդում է ՀՀ ԱԳՆ–ի մամուլի ծառայությունը։

Ըստ հաղորդագրության` հայաստանյան պատվիրակության ներկայացրած փաստարկների շնորհիվ կոմիտեն վերանայեց փորձագիտական խմբի նախնական որոշումը:

Կոմիտեի անդամների, փորձագետների և ՀՀ պատվիրակության անդամների միջև ծավալված քննարկումների արդյունքում` կոմիտեն հաստատել է, որ Քոչարի ավանդական խմբապարը, լինելով ազգային ինքնության դրսևորում, տարածված է Հայաստանում և Սփյուռքում։

Հայաստանը լրամշակված հայտը կներկայացնի կոմիտեի հետագա քննարկմանը:–0–