Նարգիզ. Երևա′ն, դու ինձ պարզապես ցնցեցիր (ՎԻԴԵՈ)

ԵՐԵՎԱՆ, 9 հոկտեմբերի. /Նովոստի–Արմենիա/. Ռուսաստանի Առաջին ալիքով հեռարձակվող «Ձայնը» շոուի եզրափակչի մասնակից Նարգիզը (Նարգիզ Զաքիրովա) հրապարակել է կիրակի Երևանում կայացած իր համերգի տեսանյութը։

Նարգիզի համերգը կայացել է Կ. Դեմիրճյանի անվան մարզահամերգային համալիրում։



«Իմ քույր, Հայաստան, իմ թանկագին Երևան, դու ինձ գերեցին և ցնցեցիր։ Այս կախարդական երեկոն ես երբեք չեմ մոռանա։ Խոնարհվում եմ բոլոր նրանց առաջ, ով եկել էր ինձ հետ կիսելու իր սերը։ Մեր երեկույթից արդեն մի քանի ժամ է անցել, սակայն քունս չի տանում։ Ուզում եմ կրկին ձեզ մոտ վերադառնալ։ Սիրելիներս, ձեր հանդեպ տածած սերս կմնա ընդմիշտ։ Աստված ձեզ պահապան», – այսպես է մեկնաբանել երգչուհին Facebook–յան իր էջում հրապարակած տեսանյութը։



Նարգիզն ազգությամբ ուզբեկ է, երկար տարիներ բնակվել է ԱՄՆ–ում։ Նա նվաճել է «Սանկտ Պետերբուրգի սպիտակ գիշերներ» միջազգային երաժշտական փառատոնի Գրան–պրին, արժանացել է մի շարք երաժշտական մրցանակների («Ոսկե գրամոֆոն», «Տարվա երգ»)։–0–