Լեոնիդ Ագուտին. շնորհակալություն, հնագույն Երևան (ՏԵՍԱՆՅՈՒԹ)

ԵՐԵՎԱՆ, 27 մարտի. /Նովոստի–Արմենիա/. Հայտնի ռուս երգիչ Լեոնիդ Ագուտինը ներկայացրել է իր տպավորությունները նախօրեին Երևանում կայացած համերգից հետո։

Երգիչը տեսանյութ է տեղադրել Facebook–յան իր էջում։

«Մի փոքր նախօրեի Երևանից։ Շնորհակալություն, հնագույն քաղաք», – գրել է Ագուտինը։

Երգիչը չի թաքցրել հույզերը և ելույթի ընթացքում հայտարարել է, որ երջանիկ է գտնվել Երևանում։

Ագուտինը Երևանին նվիրեց անմոռանալի շոու, երևանցի հանդիսատեսը ևս շատ ջերմ ընդունեց երգչին։

«Եղեք երջանիկ, սիրահարված և հարուստ։ Եվ ամենագլխավորը ցանկանում եմ ձեզ խաղաղություն», – վերջում երևանցիներին մաղթեց Ագուտինը` խոստանալով, որ անպայման կվերադառնա։–0–