ԵՐԵՎԱՆ, 5 դեկտեմբերի. /Նովոստի–Արմենիա/. Արամ Խաչատրյանի 115–ամյակին նվիրված Խաչատրյանի միջազգային 6–րդ փառատոնի կազմակերպիչները շնորհակալություն են հայտնել «Նովոստի–Արմենիա» գործակալության տնօրեն Գալինա Դավիթյանին փառատոնի լուսաբանման և հանդիսատեսին համերգների մասին իրազեկելու համար։
Ինչպես նշվում է շնորհակալագրում, որը ստացել է Գ. Դավիթյանը «Դասական երաժշտության աջակցություն» ոչ կառավարական կազմակերպությունից, հոկտեմբերի 18–ից մինչև նոյեմբերի 13–ը կայացավ մեծն Մաեստրո Խաչատրյանի 115–ամյակին նվիրված Խաչատրյանի միջազգային 6–րդ փառատոնը։
«Փառատոնի շրջանակներում ելույթ ունեցան հատուկ Երևանի ժամանած հայտնի և նշանավոր երաժիշտներ։ Հատկանշական է, որ բոլոր երաժիշտները կատարեցին Խաչատրյանի հայտնի և սիրված գործերը», – նշվում է նամակում։
Փառատոնի շրջանակներում հնչեցին միայն խաչատրյանական ստեղծագործություններ, բացման հանդիսավոր արարողությունը մեկնարկեց հանրության շրջանում սիրված և սպասված Խաչատրյանը և ջազը համերգային ծրագրով, հատկանշական էր նաև Խաչատրյան Նոն–Ստոպ համերգային ծրագիրը, որի ընթացքում անընդմեջ հնչեց Խաչատրյանի կինոերաժշտությունը։
«Շնորհակալ ենք փառատոնի լուսաբանման և հանդիատեսին համերգների մասին իրազեկելու հարցում Ձեր աջակցության համար», – նշված է նամակում։
Միջոցառման շրջանակում կայացան սիմֆոնիկ և կամերային համերգներ։ Փառատոնի մասնակիցների թվում էր դաշնակահար Բորիս Բերեզովսկին։ Ելույթ ունեցան նաև թավջութակահար Ալեքսանդր Ռամը, ջութակահար Դանիել Ռոնը, թավջութակահար Մարիո Բրունելոն, բանդոնեոնահար Մարիո Ստեֆանո Պիետրոդարկին, ալտահար Յուրի Բաշմետը և այլք։–0–
