Ժակլին Բիսեթ. «Հայերը հիանալի և շատ ընկերասեր ազգ են» (ԼՈՒՍԱՆԿԱՐ)

ԵՐԵՎԱՆ, 14 հուլիսի. /Նովոստի-Արմենիա/. Բրիտանացի դերասանուհի, համաշխարհային կինոաստղ,  «Ոսկե Ծիրան 2016» 13-րդ միջազգային կինոփառատոնի պատվավոր հյուր Ժակլին Բիսեթը խոստովանել է, որ ցանկանում է ծանոթանալ հայկական խոհանոցին և կինոմատոգրաֆին:

Այդ մասին նա հայտարարել է նախօրեին` իր մասնակցությամբ ֆիլմերի հետահայաց ցուցադրությունների ծրագրի բացմանը, որն անցկացվում է«Ոսկե Ծիրան» կինոփառատոնի շրջանակում հուլիսի (10-17-ը):

«Ինչպե՞ս եք: Ինձ հաճելի է գտնվել Երևանում: Լոս Անջելեսում շատ հայեր են բնակվում, բայց ես երբեք չեմ մտածել, որ ինքս կայցելեմ Հայաստան: Դուք հիանալի և շատ ընկերասեր ազգ եք», - նշել է Բիսեթը:

Նա նաև պատմել է, որ «Ամերիկյան գիշեր» ֆիլմը, որը պետք ցուցադրվի հինգշաբթի Երևանում, փոխել է իր կյանքը: 

«Դա շատ անկեղծ ֆիլմ է, որը պատկերացում է տալիս, թե ինչպես է ընհանրապես նկարահանվում ֆիլմը: Դա միաժամանակ ողբերգություն է և կատակերգություն», - ասել է Բիսեթը:

Ռոման Բալայանը արժանացել է Հայկական եկեղեցու «Եղիցի լույս» մրցանակին>>

«Ոսկե ծիրան» միջազգային կինոփառատոնի հիմնադիր Հարություն Խաչատրյանը հայտնեց, որ նման աշխարհահռչակ աստղի, տաղանդավոր դերասանուհու և գեղեցիկ կնոջն ընդունելը պատիվ է:

«Հայ հեռուստադիռողւ շատ է սիրում Ժակլինին: Նա կինոմատոգրաֆի ամենագեղեցիկ դերասանուհին է և Հայաստանի ամենասիրելի գեղեցկուհին», - ասաց Խաչատրյանը:

Նա նաև հայտնեց, որ փակման հանդիսավոր արարողությանը Բիսեթը կարժանանա երևանյան կինոփառատոնի բարձրագույն մրցանակին` «Փառաջանովյան թալերին»:

Ժակլին Բիսեթը նկարահանվել է Տրյուֆոյի, Պոլանսկու, Մաստրոյանիի ֆիլմերում: Աշխատել է այնպիսի դերասանների և դերասանուհիների հետ, ինչպիսիք են` Օդրի Հեփբերնը, Ֆրենկ Սինատրան, Փոլ Նյումանը, Էնթոնի Հոփքինսը, Շոն Քոներին, Ժան-Պոլ Բելմոնդոն և այլք: 

Ֆրանսիայի նախկին նախարար Նիկոլյա Սարկոզին անվանել է նրան կինոյի խորհրդանիշ: Նրան համարում են համաշխարհային կինոյի ամենագեղեցիկ դերասանուհի: -0-