Իվետա Մուկուչյանի եվրատեսիլյան տեսահոլովակը ինտերնետ քվեարկության ֆավորիտն է

ԵՐԵՎԱՆ, 14 մայիսի. /Նովոստի–Արմենիա/. «Եվրատեսիլ 2016» երգի միջազգային մրցույթում Հայաստանը ներկայացնող Իվետա Մուկուչյանի LoveWave երգի տեսահոլովակը ճանաչվել է լավագույնը wiwibloggs.com կայքում կազմակերպված ինտերնետ քվեարկության արդյունքում։

Մուկուչյանի տեսահոլովակի օգտին քվեարկել է օգտատերերի 12,53 տոկոսը (1 548 ձայն)։ Երկրորդ տեղում է Իսպանիան (8,96 տոկոս), երրորդը Ռուսաստանն է (8,93 տոկոս)։

Քվեարկությանն ընդհանուր առմամբ մասնակցել է ավելի քան 12 հազար օգտատեր։

Անհայտները կոտրել են Իվետա Մուկուչյանի Instagram-ի էջը>>

Այս տարի «Եվրատեսիլ 2016» մրցույթն անցկացվում է «Միավորվենք» (Come together) կարգախոսի ներքո Ստոկհոլմի «Գլոբեն» արենայում։

Իվետա Մուկուչյանը դարձել է «Եվրատեսիլ 2016»–ի ամենագեղեցիկ մասնակիցը>>

Եզրափակչում, որը կկայանա այսօր Ստոկհոլում, վիճակահանության արդյունքներով բեմ դուրս կգան Բելգիայի, Չեխիայի, Նիդեռլանդների, Ադրբեջանի, Հունգարիայի, Իտալիայի, Իսրայելի, Բուլղարիայի, Շվեդիայի, Գերմանիայի, Ֆրանսիայի, Լեհաստանի, Ավստրալիայի, Կիպրոսի, Սերբիայի, Խորվաթիայի, Ռուսաստանի, Իսպանիայի, Լատվիայի, Ուկրաինայի, Մալթայի, Վրաստանի, Ավստրիայի, Մեծ Բրիտանիայի, Հայաստանի ներկայացուցիչները։ -0-