ԵՐԵՎԱՆ, 20 մայիսի. /Նովոստի–Արմենիա/. Իգոր Կրուտոյի սան Անահիտ Ադամյանը կներկայացնի Հայաստանը «Մանկական Նոր ալիք–2017» մրցույթում։
Ինչպես նշվում է մրցույթի կայքում, այս տարի մրցութի եզրափակիչը տեղի կունենա մայիսի 31–ին և հունիսի 1–ին Ղրիմում։
Անահիտ Ադամյանը երգում է հինգ տարեկանից։
«Իմ վոկալային ունակությունները նկատել են ծնողներս, տասը տարեկանից պրոֆեսիոնալ մակարդակով զբաղվում եմ վոկալով։ Երբ պատրաստ լինի իմ առաջին ալբոմը, ես, ամենայն հավանականությամբ, այն կանվանեմ Sunglasses։ Այսօր անչափ երջանիկ եմ, որ մասնակցում եմ «Մանկական Նոր ալիքին»», – խոստովանեց Անահիտը։
Загружается новость ... "Лево"
Նրա խոսքով, նման նախագծերին մասնակցելը մեծ փորձ է տալիս ինչպես կատարողական վարպետության, այնպես էլ շփման ոլորտում։ Ընտրելով մրցութային ծրագրի երգերը` նախընտրել եմ այն ստեղծագործությունները, որոնք ինքս մեծ հաճույքով ունկնդրում եմ ընկերներիս հետ։
Պատանի երգչուհու նվիրական երազանքը համաշխարհային աստղ դառնալն է, այցելել Ամերիկա և նվեր ստանալ մեծ փափուկ արջուկ։ Անահիտը շատ է սիրում երգել, զբոսնել ընկերների հետ, լողանալ ծովում, հանգստանալ Երևանում։ Զբաղվել է մարմնամարզությամբ և մեծ թենիսով։ Կցանկանար երգել Ալեքսանդր Պանայոտովի հետ։
Անահիտի ամենասիրած առարկան անգլերենն է։
«Սիրում եմ երգել անգլերեն։ Ինձ ընդհանրապես դուր է գալիս ուսումնասիրել օտար լեզուներ։ Իսկ օրինակ երկրաչափությունն ինձ համար չափազանց բարդ է, ես դժկամությամբ եմ այցելում երկրաչափության դասերին», – խոստովանեց Ադամյանը։
13–ամյա Անահիտը նախորդ տարի Մերի Վարդանյանի հետ զբաղեցրել է երկրորդ տեղը Մալթայում անցկացված «Մանկական Եվրատեսիլ–2016»–ում։–0–
