Հայաստանը ներկայացնող ջութակահարուհին Չայկովսկու անվան միջազգային մրցույթի երկրորդ մրցանակի դափնեկիրն է

15.12.2015, 12:33
Հայաստանը ներկայացնող ջութակահարուհի Դիանա Ադամյանն արժանացել է Պ. Իլ. Չայկովսկու անվան IX միջազգային պատանեկան մրցույթի երկրորդ մրցանակին:
Հայաստանը ներկայացնող ջութակահարուհին Չայկովսկու անվան միջազգային մրցույթի երկրորդ մրցանակի դափնեկիրն է
ԵՐԵՎԱՆ, 15 դեկտեմբերի. /Նովոստի–Արմենիա/. Հայաստանը ներկայացնող ջութակահարուհի Դիանա Ադամյանն արժանացել է Պ. Իլ. Չայկովսկու անվան IX միջազգային պատանեկան մրցույթի երկրորդ մրցանակին, հաղորդում է Զարգացման միջպետական կորպորացիայի մամուլի ծառայությունը։

2015 թ.–ի դեկտեմբերի 15–ին Ա.Մ. Կացի անվան պետական համերգասրահում տեղի կունենա Պ. Իլ. Չայկովսկու անվան IX միջազգային պատանեկան մրցույթի հաղթողների և դափնեկիրների պարգևատրման հանդիսավոր արարողությունը։

Թավջութակահար Անդրանիկ Աղաջանյանը, ով ևս ներկայացնում էր Հայաստանը մրցույթում, պարգևատրվել է հատուկ դիպլոմով։

Պ. Իլ. Չայկովսկու անվան IX միջազգային պատանեկան մրցույթն անցկացվում է Նովոսիբիրսկում դեկտեմբերի 5–15–ը։ Մրցույթին մասնակցում են 23 երկրներ ներկայացնող 115 երիտասարդ երաժիշտներ` Ռուսաստանից, Հայաստանից, Ադրբեջանից, Ուկրաինայից, Բելառուսից, Ղազախստանից, Մեծ Բրիտանիայից, Ֆրանսիայից, Իտալիայից, Գերմանիայից, Ավստրիայից, Լյուքսեմբուրգից, Դանիայից, Խորվաթիայից, Ռումինիայից, Կորեայից, Չինաստանից, Ճապոնիայից, Մոնղոլիայից, ԱՄՆ–ից, Կանադայից, Իսրայելից և Ավստրալիայից։

Մրցույթի ժյուրիի կազմում ներառված են 29 երաժիշտներ` Ռուսաստանից, Բելառուսից, Հայաստանից, Ֆրանսիայից, Իտալիայից, Շվեդիայից, Հունգարիայից, Իսրայելից, Չինաստանից, Կորեայից, Ճապոնիայից և ԱՄՆ–ից։ Հայաստանը մրցույթի ժյուրիի կազմում ներկայացնում է Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։

Պ. Իլ. Չայկովսկու անվան IX միջազգային պատանեկան մրցույթը հիմնադրվել է 1992 թ.–ին, այն խոշորագույն պրոֆեսիոնալ մրցույթն է մինչև 17 տարեկան երիտասարդ երաժիշտների համար։ –0–