Հայաստանը «Եվրատեսիլ 2017»–ում զբաղեցրեց 18 րդ տեղը, հաղթեց Պորտուգալիան (ՏԵՍԱՆՅՈՒԹ)

ԵՐԵՎԱՆ, 14 մայիսի. /Նովոստի–Արմենիա/. Հայաստանը «Եվրատեսիլ 2017»–ում ներկայացնող Արծվիկը զբաղեցրեց 18–րդ տեղը տեղը` հավաքելով 79 միավոր։

Մրցույթում հաղթեց Պորտուգալիան, երկրորդը Բուլղարիան է, երրորդը` Մոլդովան։

Ուկրաինայի մայրաքաղաք Կիևում շաբաթ երեկոյան անցկացվեց մրցույթի եզրափակիչը, որի ընթացքում Արծվիկը հանդես եկավ 5–րդ համարի ներքո։

Հայաստանը 12 միավոր տվեց Պորտուգալիային։



Արծվիկի երգի երաժշտության համահեղինակներն են Լևոն և Լիլիթ Նավասարդյանները, խոսքերի համահեղինակները՝ Ավետ Բարսեղյանը և Դավիթ Ծերունյանը:

Երգի մեղեդային գիծը համադրում է աշխարհի տարբեր էթնիկ երաժշտությունների առանձնահատկությունները, այն ընդհանրությունները, որոնք զարմանալիորեն առկա են: Երգի հիմքում մի աղջկա կյանքի պատմություն է, ով մարմնավորում է սերը: Նա համադրում է կյանքի տարբեր գույները և հավաքում աշխարհի հեքիաթները, այն պատմությունները, որոնք պատմում են մեզ, թե ովքեր ենք մենք իրականում: Ընդգրկելով աշխարհի ողջ բազմազանությունը՝ աղջիկը թռչում է վեր՝ դեպի երկնային բարձունքներ, և դառնում արև, որի սերն ու լույսն ընդհանուր են բոլորի համար՝ միակը բոլորիս համար։

Մրցույթի եզրափակչին մասնակցեց 26 երգիչ և երաժշտական կոլեկտիվ` 10–ական երկու կիսաեզրափակիչներից, ինչպես նաև հյուրընկալ երկրի` Ուկրաինայի, մրցույթի հիմնադիր և գլխավոր հովանավոր երկրների` Մեծ Բրիտանիայի, Գերմանիայի, Իսպանիայի, Իտալիայի և Ֆրանսիայի ներկայացուցիչները։ –0–

The WINNER of the #ESC2017 is Portugal! CONGRATULATIONS Salvador Sobral!!! #CelebrateDiversity pic.twitter.com/uMvU4fFf9Z

— Eurovision (@Eurovision) May 13, 2017