ԵՐԵՎԱՆ, 27 մարտի. /Նովոստի–Արմենիա/. Երգիչ Հովիկ Դեմիրճյանը, ով կներկայացնի Կիպրոսը «Եվրատեսիլ 2017» երգ միջազգային մրցույթում, ընդունել է Արծվիկի մարտահրավերը։
Մարտի 22–ին
Արծվիկըկոչ արեց «Եվրատեսիլի» մյուս մասնակիցներին երգել հայկական ազգային որևէ երգ։ Առաջինը նա դիմեց գերմանացի գործընկերոջը` կատարելով գերմաներեն երգ։ Դրան ի պատասխան` գերմանացի երգչուհի
Լևինա Մյուզիքը երգեց Կոմիտասի «Կաքավիկ» ստեղծագործությունը։
«Բարև, թանկագին Արծվիկ, շնորհակալ եմ, որ մարտահրավեր նետեցիր ինձ և հնարավորություն տվեցիր երգել իմ ամենասիրելի հայկական երգերից մեկը` «Երազ իմ երկիր հայրենի» ստեղծագործությունը», – նշել է Հովիկը տեսաուղերձում։
Կիպրահայ երգիչը ելույթ կունենա «Եվրատեսիլ 2017»–ի առաջին կիսաեզրափակչում, որը տեղի կունենա մայիսի 9–ին Կիևում։
Երկրորդ կիսաեզրափակիչը տեղի կունենա մայիսի 11–ին, եզրափակիչը` մայիսի 13–ին։–0–
