«Եվրատեսիլում» Գերմանիայի ներկայացուցիչն ընդունել է Արծվիկի մարտահրավերն ու հայերեն է երգել (ՏԵՍԱՆՅՈՒԹ)

ԵՐԵՎԱՆ, 22 մարտի. /Նովոստի–Արմենիա/. «Եվրատեսիլում» Գերմանիան ներկայացնող երգչուհի Լևինա Մյուզիքը (Levina Music) ընդունել է Արծվիկի մարտահրավերը։

Հայաստանը «Եվրատեսիլում» ներկայացնող Արծվիկը կոչով դիմել է մրցույթի մյուս մասնակիցներին, որպեսզի նրանք երգեն հայկական ժողովրդական երգ։ Նա առաջին հերթին դիմել է Գերմանիայի ներկայացուցչին` կատարելով գերմաներեն երգ։



«Բարև Հայաստան, ողջույն Արծվիկ։ Երջանիկ եմ մասնակցելու #CelebrateDiversityChallenge–ին և պատրաստվում եմ ձեզ և «Եվրատեսիլի» հայ երկրպագուների համար երգել հին հայկական երգ», – նշել է Մյուզիքը։

Արծվիկը մարտահրավեր է նետել «Եվրատեսիլի» մյուս մասնակիցներին (ՏԵՍԱՆՅՈւԹ)>>

Լևինա Մյուզիքը կատարել է Կոմիտասի «Կաքավիկը» և նշել, որ այս ամենն իր համար դարձել է միաժամանակ ուրախություն և մարտահրավեր, քանի որ ստեղծագործությունը շատ բարդ էր։

«Սակայն ես հույս ունեմ, որ ձեզ դուր կգա։ Ինձ հետաքրքիր է, թե ով է լինելու հաջորդը», – նշել է Մյուզիքը։–0–