Էստլունդի «Քառակուսի» ֆիլմն արժանացել է Կաննի կինոփառատոնի գլխավոր մրցանակին (ԼՈՒՍԱՆԿԱՐՆԵՐ)

ԵՐԵՎԱՆ, մայիսի 29. /Նովոստի –Արմենիա/. Ոչ մի անգամ «Ոսկե արմավենու» չարժանացած Պեդրո Ալմադովարն ու նրա ժյուրին կայացրեցին իրենց դատավճիռը։



Ինչպես հաղորդում է «Ведомости»–ն, Կաննի հոբելյանական կինոփառատոնի գլխավոր մրցանակը` «Ոսկե արմավենին» Ժուլիետ Բինոշի ձեռքից ստացել է Ռուբեն Էստլունդը «Քառակուսի» (The Square) ֆիլմի համար, որը հումանիզմի վերացող տեսակը բնութագրող «դատարկ շրջանակի մասին է»:

Լավագույն ռեժիսոր է ճանաչվել Սոֆիա Կոպոլան 1971 թ-ին Դոն Սիգելի նկարահանած «Խաբվածը» ֆիլմը վատ կրկնօրինակած «Ճակատագրական գայթակղություն» (The Beguiled) ֆիլմի համար:



Լավագույն դերասանը Խոակին Ֆենիկսն է Լին Ռեմսիի «Դու երբեք այստեղ չես եղել» («You Were Never Really Here» ) ֆլիմի համար: Դերասանը ներկաների ուշադրությունն հրավիրել է իր կեդերի վրա, քանի որ մրցանակը նրան անակնկալի ր բերել, և նա չի հասցրել փոխել դրանք:

«Լավագույն դերասանուհի» կոչմանն է արժանացել Դայան Քրյուգերը Ֆաթիհ Ակինի «Անհայտությունից» («In the Fade») ֆիլմի համար:



«Ոչ սեր» ֆիլմի («Loveless») հեղինակ Անդրեյ Զվյագինցևն արժանացել է ժյուրիի հատուկ մրցանակին: Մրցանակը ստանալիս ռեժիսորը շնորհակալություն է հայտնել իր մշտական գործընկերներին` պրոդյուսեր Ալեքսանդր Ռոդնյանսկուն, օպերատոր Միխայիլ Կրիչմանին, սցենարի հեղինակ Օլեգ Նեգինային, և խոստովանել է, որ դերասան Ուիլ Սմիթը, պարզվում է, իսկապես գոյություն ունի:



Ժյուրիի գրան-պրիին արժանացել է Ռոբին Կամպինոյի «Րոպեում 120 հարված» ֆիլմը , որը պատմում է ՁԻԱՀ–ի դեմ պայքարող ակտիվիստ համասեռամոլների մասին։

Սցենարի համար մրցանակը հանձնվել է Յորգոս Լանտիմոսին և նրա մշտական համահեղինակ Էֆտիմիս Ֆիլիպոյին «Սրբազան եղջերուի սպանությունը» («The Killing of a Sacred Deer») ֆիլմի համար, ինչպես նաև Լին Ռեմսիին «Դու երբեք այստեղ չես եղել» ֆիլմի համար:



Փառատոնի 70-ամյակի կապակցությամբ Ուիլ Սմիթը հայտարարել է հոբելյանի առիթով սահմանված հատուկ մրցանակի դափնեկրի անունը` Նիկոլ Քիդմանին, ում մասնակցությամբ փառատոնի ծրագրում չորս մրցութային և արտամրցութային ֆիլմ է ներկայացված, այդ թվում` Կոպոլայի «Ճակատագրական գայթակղություն» և «Սրբազան եղջերուի սպանությունը» ֆիլմերը: Քիդմանը Կաննի փառատոնի հանդիսատեսին ողջունել է Թենեսի նահանգի Նեշվիլ քաղաքից:–0–

Բոլոր լուսանկարները` twitter @Festival_Cannes