Էռնա Միրը ցնցել է «Նոր ալիքի» հանդիսատեսին ու ժյուրիին «Իմ Հայաստան» երգի կատարմամբ (ՎԻԴԵՈ)

ԵՐԵՎԱՆ, 12 սեպտեմբերի. /Նովոստի–Արմենիա/. «Նոր ալիք 2017» երգի միջազգային մրցույթի երկրորդ օրը Հայաստանը ներկայացնող Էռնա Միրը (Միրզոյան) կատարել է «Իմ Հայաստան» (“Армения моя”) երգը։

Էռնան երգը կատարել է հայերեն և ռուսերեն։ Ժյուրիի բոլոր անդամները Էռնային տվել են ամենաբարձր գնահատականը` 11 միավոր։ Հայաստանը ներկայացնող երգչուհին նախորդ օրվա նման կրկին վաստակել է 121 միավոր։   

18–ամյա Էռնա Միրը (Միրզոյան) Ստեփանակերտից է, նա Voices of Artsakh պրոդյուսերական կենտրոնի շրջանավարտ է։ Միրզոյանը սովորում է «Երաժշտության տեսություն» երաժշտական քոլեջի 4–րդ կուրսում, նա The Voice (Հայաստան) նախագծի եզրափակչի մասնակից է։ –0–