Դիլիջանն առաջին անգամ հյուրընկալում է Մնջախաղի միջազգային փառատոնի մասնակիցներին
12.08.2016,
15:47
Դիլիջանն առաջին անգամ հյուրընկալում է Լեոնիդ Ենգիբարյանի անվան մնջախաղի միջազգային 5-րդ փառատոնը:
ԵՐԵՎԱՆ, 12 օգոստոսի. /Նովոստի–Արմենիա/. Դիլիջանն առաջին անգամ հյուրընկալում է Լեոնիդ Ենգիբարյանի անվան մնջախաղի միջազգային 5-րդ փառատոնը:
Գեղատեսիլ քաղաքի ամառային ամֆիթատրոնում իրենց յուրօրինակ համարները ցուցադրեցին Հայաստանը, Ռուսաստանը, Հարավաֆրիկյան Հանրապետությունը, Վրաստանն ու Ուկրաինան ներկայացնող մասնակիցները։ Դերասանների բոլոր ելույթներն արժանանում էին բուռն ծափահարությունների։
Մնջախաղի փառատոնը մեկնարկել է Ծաղկաձորում օգոստոսի 10–ին։ Բացի մնջախաղից, փառատոնի ծրագրում ներառված են եկեղեցական, պարային, ակրոբատիկ, աճպարարական համարներ։
Փառատոնին մասնակցում են Սերբիան, Վրաստանը, Իրանը, Ուկրաինան, Ռուսաստանը, Հարավաֆրիկյան Հանրապետությունն ու Ֆրանսիան ներկայացնող թատերախմբերը։ Հաջորդ տարվանից փառատոնը կդառնա ամենամյա և կանցկացվի նաև Հայաստանի մյուս քաղաքներում։ Իսկ այս տարի բեմադրություններ են ներկայացվում Երևանի Հյուսիսային պողոտայում և Դիլիջանի բացօթյա ամֆիթատրոնում։
Հայաստանը Մնջախաղի 5–րդ փառատոնում կներկայացնեն Մնջախաղի պետական թատրոնը, ինչպես նաև Մնջախաղի թատրոնին կից խուլերի «Մենք» մնջախաղի թատրոն–ստուդիան։
Փառատոնի օրերին կանցկացվեն վարպետության դասեր, նախատեսված է նաև Առաջին համաշխարհային կոնֆերանսը` Մնջախաղի միջազգային կազմակերպության նախագահ Մարկո Ստոյանովիչի մասնակցությամբ, ով աշխարհահռչակ ֆրանսիացի դերասան, միմոս և կատակերգու Մարսել Մարսոյի աշակերտն է։
«Փառատոնն իր գոյության ընթացքում դարձել է սիրելի և սպասված իրադարձություն։ Հանդիսատեսի թիվը տարեց տարի ավելանում է։ Կարող եմ ասել, որ մեր փառատոնը բոլորի համար է, քանի որ մնջախաղի ժանրը թարգմանության կարիք չունի», – նշեց Ժիրայր Դադասյանը, ով փառատոնի կազմակերպչի` Մնջախաղի պետական թատրոնի գեղարվեստական ղեկավարն է։
Փառատոնի օրերին գործում է Երևան-Ծաղկաձոր-Երևան անվճար երթուղին:
Փառատոնն անցկացվում է օգոստոսի 10-15-ը` ՀՀ վարչապետի բարձր հովանու ներքո և ՀՀ մշակույթի նախարարության աջակցությամբ:
«Նովոստի–Արմենիա» գործակալությունը փառատոնի ինֆորմացիոն գործընկերն է։
Լուսանկարները` Էդուարդ Սեպետչյանի
Գեղատեսիլ քաղաքի ամառային ամֆիթատրոնում իրենց յուրօրինակ համարները ցուցադրեցին Հայաստանը, Ռուսաստանը, Հարավաֆրիկյան Հանրապետությունը, Վրաստանն ու Ուկրաինան ներկայացնող մասնակիցները։ Դերասանների բոլոր ելույթներն արժանանում էին բուռն ծափահարությունների։
Մնջախաղի փառատոնը մեկնարկել է Ծաղկաձորում օգոստոսի 10–ին։ Բացի մնջախաղից, փառատոնի ծրագրում ներառված են եկեղեցական, պարային, ակրոբատիկ, աճպարարական համարներ։
Փառատոնին մասնակցում են Սերբիան, Վրաստանը, Իրանը, Ուկրաինան, Ռուսաստանը, Հարավաֆրիկյան Հանրապետությունն ու Ֆրանսիան ներկայացնող թատերախմբերը։ Հաջորդ տարվանից փառատոնը կդառնա ամենամյա և կանցկացվի նաև Հայաստանի մյուս քաղաքներում։ Իսկ այս տարի բեմադրություններ են ներկայացվում Երևանի Հյուսիսային պողոտայում և Դիլիջանի բացօթյա ամֆիթատրոնում։
Հայաստանը Մնջախաղի 5–րդ փառատոնում կներկայացնեն Մնջախաղի պետական թատրոնը, ինչպես նաև Մնջախաղի թատրոնին կից խուլերի «Մենք» մնջախաղի թատրոն–ստուդիան։
Փառատոնի օրերին կանցկացվեն վարպետության դասեր, նախատեսված է նաև Առաջին համաշխարհային կոնֆերանսը` Մնջախաղի միջազգային կազմակերպության նախագահ Մարկո Ստոյանովիչի մասնակցությամբ, ով աշխարհահռչակ ֆրանսիացի դերասան, միմոս և կատակերգու Մարսել Մարսոյի աշակերտն է։
«Փառատոնն իր գոյության ընթացքում դարձել է սիրելի և սպասված իրադարձություն։ Հանդիսատեսի թիվը տարեց տարի ավելանում է։ Կարող եմ ասել, որ մեր փառատոնը բոլորի համար է, քանի որ մնջախաղի ժանրը թարգմանության կարիք չունի», – նշեց Ժիրայր Դադասյանը, ով փառատոնի կազմակերպչի` Մնջախաղի պետական թատրոնի գեղարվեստական ղեկավարն է։
Փառատոնի օրերին գործում է Երևան-Ծաղկաձոր-Երևան անվճար երթուղին:
Փառատոնն անցկացվում է օգոստոսի 10-15-ը` ՀՀ վարչապետի բարձր հովանու ներքո և ՀՀ մշակույթի նախարարության աջակցությամբ:
«Նովոստի–Արմենիա» գործակալությունը փառատոնի ինֆորմացիոն գործընկերն է։
Լուսանկարները` Էդուարդ Սեպետչյանի
Պատճենել հղումը
