Դավիթ Մանուկյանի և Օլգա Բուզովայի ամանորյա նոր երգը երաժշտական չարտերի 1-ին տեղում է (ՎԻԴԵՈ)

ԵՐԵՎԱՆ, 25 դեկտեմբերի./Նովոստի-Արմենիա/. Հայտնի ռուս հաղորդավարուհի և երգչուհի Օլգա Բուզովան և բլոգեր Դավիթ Մանուկյանը` ով հանդես է գալիս Dava մականունով, նոր` «Մանդարինկա» անունով երգ են թողարկել:

«Տարեվերջը միշտ ծանր է բոլորի համար, հատկապես, նման մռայլ եղանակին շատերը տրամադրություն չունեն: Մենք ցանկանում ենք հիշեցնել ձեզ, որ առջևում տոնական օրեր են և հնարավորինս բարձրացնել ձեր տրամադրությունը բարի, ուրախ, ամանորյան «Մանդարինկա» երգով»,- գրել է Օլգա Բուզովան իր Instagram-յան էջում:

Թողարկումից մի քանի ժամ անց երգը զբաղեցրել է 1-ին տեղը iTunes երաժշտական չարտում, ինչի մասին Բուզովան և Dava-ն պատմել են իրենց սթորիներում:

Դավիթ Մանուկյանի հետևորդները անտարբեր չեն մնացել նրա և Օլգա Բուզովայի համագործակցությանը և երգչուհուն անվանել են «հարսնացու հյուսիսից»` ակնարկելով նրանց միջև սիրավեպի մասին:-0-