Հրապարակվել է «Եվրատեսիլ-2016»-ին Իվետա Մուկուչյանի մրցութային երգի տեսահոլովակի թիզերը (ՏԵՍԱՆՅՈւԹ)

ԵՐԵՎԱՆ, 20 փետրվարի. /Նովոստի–Արմենիա/. Ներկայացվել է  «Եվրատեսիլ-2016»-ի հայաստանյան ներկայացուցիչ Իվետա Մուկուչյանի մրցութային երգի տեսահոլովակի թիզերը:  Երգը կոչվում է «LoveWave», նշվում է Eurovision.am կայքում։

«Երգն ամբողջությամբ հիմնված է երգչուհու ներաշխարհի, խտացված ապրումների ու զգացմունքների վրա: Սիրո ալիքը մեկ վայրկյանում կարող է փոխել թե՛ մարդուն, թե՛ սեփական կյանքը ճիշտ այնպես, ինչպես երկրաշարժի առաջին ալիքը` Love Wave-ը», – նշվում է հաղորդագրության մեջ։

Իվետա Մուկուչյանը ելույթ կունենա «Եվրատեսիլ 2016»–ի առաջին կիսաեզրափակչում>>

Երգի երաժշտության համահեղինակները Լևոն և Լիլիթ Նավասարդյաններն են, խոսքերի համահեղինակներ՝ Իվետա Մուկուչյան և Սթեֆանի Քրաթչֆիլդ։

Մարտի 2-ին երգը հանդիսատեսին կներկայացվի համանուն տեսահոլովակով, որը Հայաստանի հանրային հեռուստաընկերության և գերմանական «BLACKSHEEP Communications»-ի համատեղ արտադրանք է:

Տեսահոլովակում Իվետա Մուկուչյանի զուգընկերը շվեդ հայտնի մոդել, դերասան Բեն Դահլհաուսն է, ով սոց. ցանցերում մեծ մասսայականություն է վայելում: Նա համագործակցել է աշխարհահռչակ ապրանքանիշերի հետ, եղել դրանց գովազդային դեմքը: